سەردێر

شەڕ لەنێوان سووپای عێراق و داعشدا رووی دا

خەڵك

نیوە شەوی رابردوو چەكدارانی تیرۆرستی داعش هێرشیانكردەسەر سووپای عێراق لە سنووری سەرگەڕان.

بەپێی زانیارییەكان، تیرۆرستانی داعش هێرشیانكردووەتە سەر هێزەكانی سووپای عێراق لەنێوان گوندەكانی سلێمانی پاشا و داود گورگە.

تیرۆرستانی داعش ئامانجیان لە هێرشەكە، تێكشكاندنی دووربینێكی شەوبووە كە شەوانە هێزەكانی سووپا چاودێری جموجۆڵی داعشیان كردووە.

هەرچەندە ئامارێكی روون لەبەردەستدا نییە، بەڵام هێندێك سەرچاوە دەڵێن سووپا كوژراو و برینداری هەبووە.

لەلایەكی دیكەوە دەنگۆی پێكدادانی پێشمەرگە و داعش هەبووە، بەڵام سەرچاوەكانی پێشمەرگە روودانی هێرشیان رەتكردەوە، بەڵام هێندێك دەسڕێژی گولە لەنێوان هەردوولادا رووی داوە.

دوێنێ هێزەكانی پێشمەرگە و سووپا ئۆپەراسیۆنێكیان لە ناوچەی گەرمەسێر لە دژی مۆڵگەكانی داعش بەڕێوەبرد.

هاوكات موستەفا كازمی سەرۆك وەزیرانی عێراق سەردانی ناوچەكێشەلەسەرەكان بە تایبەت گوندی لهێبانی كرد پێشتر لەلایەن تیرۆرستانەوە هێرشی كرابووە سەر.