سەردێر

كۆمەڵەی قوربانیانی كیمیابارانی هەڵەبجە داوایەك لە حكومەت دەكەن

خەڵك

كۆمەڵەی قوربانیانی كیمیابارانی هەڵەبجە لە ڕاگەیەنراوێكدا، داوا لە حكومەتی هەرێم دەكەن، هەنگاوی جددی بۆ پێداچوونەوە بە لیستی بەركەوتووان و لادانی ئەوانەی بەركەوتەی ڕاستەقینە نین و تۆماركردنی ئەوانەی بە فیعلی بەركەوتەن و تۆمار نەكراون.

 

دەقی ڕاگەیەنراوەكە:

بەركەوتووانی كیمیاباران “شەهیدانی زیندوو”

پاش ئەوەی لە پرۆسەی چاكسازی حكومەتی هەرێمی كوردستاندا بڕیاردرا بوو بە بڕینی مینحەی ئەو بەركەوتووانەی كە موچەی دیكەیان هەیە وە سەرپشك كردنیان بە دیاری كردنی یەكێك لە مووچەكان، بۆ ئەو مەبەستە كۆمەڵەكەمان لە گەڵ سەرجەم بەركەوتووانی كیمیاباران لە هەرێمی كوردستان لە رێكەوتی ٢٠ـی ١١ ئەنجامماندا و یاداشتیكمان ئاڕاستەی لایەنە پەیوەندیدارەكان كرد بە مەبەستی بەدەمەوە هاتنی داواكاریەكانمان، پاش هەوڵی چڕ و بێ وچانی كۆمەڵەكەمـــان توانیمان بگەینە ئەوەی بتوانین راگرتنی مینحەكان ڕابگرین و ئامادەكاری تەواویش كراوە بۆ دانیشتنمان لە گەڵ لیژنەكـــانی “یاسایی ، تەندروستی ، شەهیدان”ی پەرلەمانی كوردستان لەگەلًَ نوێنەری هەڵەبجە و شوێنە كیمیاباران كراوەكانی دیكەی كوردستان بە مەبەستی دۆزینەوەی رێگە چارەی یاسایی گونجاو بۆ:

١. ڕاگرتنی بڕینی مینحەی بەركەوتووان

٢.ئاوڕدانەوەی تەواو لە نالەباری دۆخیان و كۆتایی هێنان بە پەراوێز خستنیان.

 

٣.هەنگاوی جیدی بۆ پێداچوونەوە بە لیستی بەركەوتووان و لادانی ئەوانەی بەركەوتەی راستەقینە نین و تۆمار كردنی ئەوانەی بە فیعلی بەركەوتەن و تۆمار نەكراون.

 

بۆیە بە هەموو لایەكی ڕادەگەیەنین هەڵوێستی ئەو خۆپیشاندانەی بەردەم سەرۆكایەتی ئەنجومەنی وەزیران ڕادەگەرین بۆ دەرئەنجامەكـــانی ئەو كۆبونەوە ئاماژە پێدراوەمـــان.

 

كۆمەڵەی قوربانیانی كیمیابارانی هەڵەبجە
٤ی ١٢ی ٢٠٢١