سەردێر

ئەردۆغان لە هەوڵێكی كوشتن ڕزگاریبوو

خەڵك

كەناڵی فەرمی ڕوسیا ڕایدەگەیەنێت: ڕەجەب تەیب ئەردۆغان سەرۆك كۆماری توركیا لە هەولێكی تیرۆركردن ڕزگاری بوو.

كەناڵی روسیا تودەی بڵاویكردەوە، ئێوارەی ئەمڕۆ شەممە لە ویلایەتی سێرت هێزە ئەمنییەكانی توركیا بۆمبێكی ئامادەكراویان لەژێر ئۆتۆمبێلی تایبەت بە پاسەوانەكانی ڕەجەب تەیب ئەردۆغان سەرۆك كۆماری توركیا پووچەڵكردووەتەوە.

هاوكات میدیاكانی توركیا ئاماژەیان بەوەداوە، پیلان دانراوە ئەو بۆمبە ئامادەكراوە لە ساتی پێشكەشكردنی وتاری ئەرۆدغان لە باشووری توركیا بتەقێنرێتەوە.

ئەوەشخراوەتەڕوو، هێزەكانی تایبەت بە پووچەڵكردنەوەی بۆمب گەیشتوونەتە شوێنی ڕووداوەكە و ئەو هەوڵەیان پووچەڵ كردووەتەوە و هێزە ئەمنییەكانیش هەڵمەتێكی چڕیان دەستپێكردووە بۆ دۆزینەوەی داڕێژەرانی ئەو پیلانە.