سەردێر

محەمەد حاجی مەحمود؛ هێزەكانی حزبی سۆسیالیست ئامادەن بۆ ڕوبەروبوونەوەی داعش

خەڵك –
سكرتێری حزبی سۆسیالیست دیموكراتی كوردستان ڕایدەگەیەنێت، ‎گروپی تیرۆریستی داعش و مە‌ترسییە‌كانی هێشتا ماوە‌ و هێرشە‌ یە‌ك لە‌دوای یە‌كە‌كانیان ئاماژە‌ن بۆ هە‌وڵە‌كانی خۆرێكخستنە‌وە‌یان‌ بۆیە پێویستە بە پلانی نوێی سەربازی ڕووبەڕوویان ببینەوە.

محەمەد حاجی مەحمود، سكرتێری حزبی سۆسیالیست دیموكراتی كوردستان لە ڕاگەیەنراوێكدا بڵاویكردەوە، ئەتوانین بەو ئەركە هەستین و ڕووبەڕووی تیرۆریستان ببینەوە و جارێكی كە تەئكید ئەكەینەوە، كە هێزەكانی حزبەكەی ئامادەن بۆ هەر ڕووبەروو بوونەوەیەك بۆ بەرگری لە خاكی كوردستان.

ڕاشیگەیاندووە، ‎هیوادارین هەرچی زووترە ئەو هێزانەی لە سەنگەری ڕووبەڕوو بونەوەدان پڕ چەك بكرێن و تەواوی پێداویستی و كۆمەك بكرێن و تاوەكو بە باشترین شێوە ڕووبەڕووی هێزی تیرۆریستی داعش ببێتەوە.

دەقی ڕاگەیەنراوەكە :
دوێنێ شەو بەرواری ۲٠۲۱/۱۲/۲ جارێكی تر هێزی تیرۆریستانی داعش پەلاماری سەنگەرەكانی هێزی پێشمەرگەی كوردستانیان دا لە ناوچەی سەرگەڕان و قەرەچۆغ، بەو هۆیەوە ژمارەیەك پێشمەرگە و هاوڵاتی مەدەنی شەهید و بریندار بوون.
‎لە خوای گەورە دواكارین گیانی پاكی شەهیدانی ئەم پەلامار و هێرشە تیرۆریستی یە بە بەهەشتی بەرین ببەخشێت و سەبوری و ئارامیش بە دڵی خێزانی كەسوكاری شەهیدەكان ببەخشێت، هیوای چاك بونەوەش بۆ بریندارەكان دەخوازین.
‎گرووپی تیرۆریستی داعش و مە‌ترسییە‌كانی ھێشتا ماوە‌ و ھێرشە‌ یە‌ك لە‌دوای یە‌كە‌كانیان ئاماژە‌ن بۆ ھە‌وڵە‌كانی خۆرێكخستنە‌وە‌یان‌ بۆیە پێویستە بە پلانی نوێی سەربازی ڕوبەڕویان ببینەو.
‎ داواش ئەكەم حكومەتی هەرێمی كوردستان و وەزارەتی پێشمەرگە گەر ئیلتیزاماتیان هەیە ئێمە ئەتوانین بەو ئەركە هەستین و ڕووبەڕووی تیرۆریستان ببینەوە و جارێكی كە تەئكید ئەكەینەوە كە هێزەكانی حزبی سۆسیالیست ئامادەن بۆ هەر ڕووبەروو بوونەوەیەك بۆ بەرگری لە خاكی كوردستان.
‎دەخوازین هەرچی زوترە ئەو هێزانەی لە سەنگەری ڕووبەڕوو بونەوەدان پڕ چەك بكرێن و تەواوی پێداویستی و كۆمەك بكرێن و تاوەكو بە باشترین شێوە ڕووبەڕووی هێزی تیرۆریستی داعش ببێتەوە.
‎سەربەرزی بۆ شەهیدانی دوێنێ شەوی پەلامارەكەی داعش و تێكڕای شەهیدانی كوردستان

‎لەگەڵ ڕێزمدا
‎محەمەد حاجی مەحمود
۲٠۲۱/۱۲/۳
‎گوڵەخانە

 





هەلبژاردە

گرنگترینەکان