سەردێر

قائیمقامی سەیدسادق؛ هاووڵاتیان زۆر نیگەرانن و گلەی و ناڕەزای زۆریان هەیە لەسەرجەم سێكتەرەكاندا

خەڵك –

قائیمقامیەتی شارۆچكەی سەیدسادق‏ سەبــارەت بە خزمـەتكـردن و ئاوڕدانەوەی جدی لە شارەكەیان داواكاریەكی (١٥) خاڵی خیرا و گرنگی ئاراستەی پارێزگای سلێمانی و لایەنی پەیوەندیدار كرد و دەشڵێت،”هاووڵاتیانی شارەكەی زۆر نیگەرانن و گلەی و ناڕەزای زۆریان هەیە لە سەرجەم سێكتەرەكاندا”.

دیــاری رفیــق ، قائیمقامی شارۆچكەی سەیدسادق‏ لە ڕاگەیەنراوێكدا بڵاویكردەوە، كە لە پێنــاو خــزمەتكــردنـــی زیاتــر بەدانیشتوانـــی شارەكەی لەپاش چەندان جــار داواكـاری لە ساڵانــی ڕابروودا و لــەئێستاشدا نوســراوی یاداشــت و داواكـاریەكی پانزدە خاڵی بەپەلـە و گرنگی ئاراستەی پارێزگای سلێمانـی و لایەنـی پەیوەندیـداری كــرد.

ڕاشیگەیاندووە، یاداشتەكە سەبــارەت بە خزمـەتكـردن و ئاوڕدانەوەی جدیە لە شارەكەیە، كە هاووڵاتیان زۆر نیگەرانن و گلەی و ناڕەزای زۆریان هەیە لە سەرجەم سێكتەرەكاندا، بۆیـە پێویسـتە پارێزگـای سلێمانـی و لایەنـی پەیـوەندیدار كار لەسـەر ئەوەبكەن و چیتر قــەزاكــە پشتگـوێ نەخــەن و كــاری خیـرا و بـەپـەلــە بكەن.

داواكارییەكانی قائیمقامیەتی شارۆچكەی سەیدسادق :

1- نەبوونی نەوت و دابەشنەكردنی لە ٣ سالی رابردوودا لەگەل چارەسەری كەمی غاز داواكاریەكی سەرەكی هاووڵتیانە.
٢- نەبوونی (پرۆژەی خزمەتگوزاری ، قیرتاوكردن ، كۆنكرێت كردن ، نەبوونی پاركی گشتی ) كە زۆر پێویستن بۆ قەزاكەمان و داواكاری گرنگن و زوروریتی هاووڵاتیانی قەزاكەمانن ، كە زۆرێك لە گەرەك و كوچەوكۆڵانەكان لە وەرزی زستان دەبنە قوروچلپاو گرفت بۆ هاووڵاتیان دروست دەكات.
٣- دامەزراندنی دەرچوانی زانكۆ و پەیمانگاكان كە ڕێژەیەكی زۆر لە قەزاكەماندا هەیە و پیویستە كەم و كورتی كەمی میلاكی فەرمانگەیانی پی پڕبكرێتەوە و یان كاری وربەرهێنان بهێنریتە قەزاكەمان و هەلی كاریان بۆ بڕەخسێنن ، كە گرفتی سەرەكی گەنجان و لاوانە لە شارەكەدا.
٤-نەبوونی سەربرین خانەیەكی گونجاو بۆ سەیدسادق لەكاتێكدا لەسالی ٢٠١٩ چەند جار بەنوسراو كارمان لەسەری كردوە ، تا ئیستا لە وەزارەتی كشتوكاڵ كارەكانی ڕاگیراوە.
٥-كاری جیدی و خیرا بكریت بە تەواونەكردنی پڕۆژە خزمەتگوزارەیەكانی ناو یەكەنیشتەجێكان و دابەشەكردنی بەسەر چینی كەم دەرامەت و هەژاراندا.
٦- گرتنەوەی پرۆژەی ئاوی خواردنەوەی سەیدسادق لەلایەن فەرمانگەی ئاوی هەلەبجەوە ،بەبیانووی سوتانی ماتۆر و پەمپی ئاوەكانیان ، لە كاتێكدا بۆ پارێزگای هەڵەبجە هیچ گرفتێكی نیە و ئەو پرۆژەیە كۆریەكان دروستكروە و جێبەجێكراوە بۆ خزمەتی دانیشتوانی قەزای سەیدسادق و پارێزگای هەلەبجە.
٧- چارەسەكردنی خیرا بكریت لە گرفتێكی گەورەی كەمی و خراپی رەوشی پێدانی كارەبا ، ئێمە دەزانین ئەم كێشەیە تاڕادەیەك لە تەواوی كوردستان بوایە ، بەڵام كیشەی گەورەی ئێمە دروست بوونی لودە لە سەر محاویلەكانمان ، كە پێویستی بە نوژەنكردنەوە و دانانی محاویلەی زیاتر هەیە.
٨- هەبوونی گرفتی گەورە لە نەبوونی بینای قوتابخانەكان بە هۆی زۆری خویندكار و قوتابی لە سنورەكە دا.
٩-نەبوونی ئامیری سیتی ( C.T Skan)و هەندێك پیداویستی تری پزیشكی پێویست بۆ نەخۆشخانەكان لە ئەمەش گرفتیكی تر و داواكاری هاوولاتیانە.
١٠- نۆژەن نەكردنەوەی بینای فەرمانگەكان كە بەهۆی خۆپیشاندانەكانەوە سوتێنراون و سیمایەكی ناشرین بە شارەكە داوە .
١١- نەبوونی ئامیرو ئالیات و ئۆتۆمبیلی خزمەتگوزاری بۆ سەرۆكایەتی شارەوانی و بەشێكی زۆری فەرمانگەكان تا لەكاتی پێویست بخرێتە خزمەتی هاووڵاتیان .
١٢-قیرنەكرنی ڕێگای هاتووچۆی سەرەكی گوندەكان و كەمی پرۆژە لە بەشێكی زۆری گوندەكانی سەر بەقەزاكەمان گرفتی زۆری بۆ گوند نشینان دروستكردوە.
١٣-كردنەوەی بەڕیوەبەرایەتیەكانی وەك (كارەبا ، تەندروستی ، ئاوەدانكردنەوە و نوسینگەی پاسپۆرت و بنكەی پۆلیس بۆ كانی پانكە و گرێزە ) كە سەربە سەرپاریزگای سلیمانی بن ، كە گرفتی زۆر و داواكاری هاوڵاتیانە .

١٤-نەبوونی عەلوەیەكی مودیرن و شایستە بە جوتیارەكان و ساغ كردنەوەی بەرووبوومەكانیان ، سازدانی ڤیستڤاڵ و بەبازاركردنی بەرووبوومەكان .
١٥- چەندان كەم و كوری و گرفتی زۆر و پێداویستی گرنگی هاووڵاتیان لە سەرجەم سێكتەرەكاندا .