سەردێر

هێزی زیاتر ڕەوانەی سەنگەرەكانی پێشمەرگە دەكرێن

خەڵك

ئەمینداری وەزارەتی پێشمەرگە ڕایدەگەیەنێت: لەسبەینێوە شاندَكی باڵای وەزارەت سەردانی سەنگەرەكانی پێشمەرگە دەكەن و هەر پێداویستییەكیان بووبێت بۆیان دابیندەكرێت و ئاشكراشیدەكات هێزی زیاتر ڕەوانەی سەنگەرەكانی پێشمەرگە دەكرێن.


فەریق ڕوكن جەبار یاوەر, ئەمینداری وەزارەتی پێشمەرگە ڕایگەیاند: ئەمڕۆ سێشەممە 30/10/2021 لە وەزارەت كۆبوونەوەیەكی باڵا ئەنجامدراوە كە لێپرسراوی یەكە و لیواو فەرماندەكان ئامادەیبوون و بڕیاردرا لە سبەینێوە شاندێكی باڵای وەزارەت سەنگەرەكانی پێشمەرگە بەسەربكەنەوە هەر پێویستییەكیان هەبێت بۆیان فەراهەم بكرێت.

ڕوونیشیكردەوە، سەرجەم فەرماندەكان ڕێنمایی نوێیان پێدراوە و سەنگەرەكانی پێشمەرگە قایمتر دەكرێن و كامێرای حەراریش لە سەنگەرەكان جێگیردەكەین و هێزی زیاتریش ئەگەر پێویست بكات ڕەوانەی سەنگەرەكانی پێشمەرگەی دەكەین.