سەردێر

ئێران: خوازیاری ئاشتی و ئارامیی و سەقامگیری عیراقین

خەڵك

وتەبێژی وەزارەتی دەرەوەی ئێران ڕایدەگەیەنێت: لەگەڵ ئەمریكا گفتوگۆی دوو قۆڵی ناكەین و بە ئیرادەیەكی جدییەوە بۆ گفتوگۆكانی نەمسا چووین.


سەعید خەتیبزادە وتەبێژی وەزارەتی دەرەوەی ئێران لەكۆنفڕانسی هەفتانەی خۆیدا لەگەڵ كەناڵەكانی ڕاگەیاندن ڕایگەیاند: تاران گفتوگۆی دوو قۆڵی لەگەڵ واشنتۆن ناكات و شاندی وڵاتەكەی بە ئیرادەیەكی جددی بۆ دانوستانەكانی ڤییەننا چووە.

خەتیب زادە: ئەمریكا دژی دانوستان و ڕێككەوتنە ئەتۆمییەكەیە و هەندێك لە وڵاتانی ئەوروپاییش لە دانوستانەكان زۆر جددی نین و هەندێك وڵات بەدوای زەمینەخۆشكردندان بۆ ئەوەی دانوستانەكان دوا كەوێت.

سەبارەت بە عیراقیش وتی: ئێران خوازیاری ئاشتی و ئارامیی و سەقامگیری عیراقە و لەوبارەیەوە لە هیچ كۆمەكێك درێغی ناكات.