سەردێر

پلانی نوێی داعش بۆ شەڕی پێشمەرگە ئاشكراكرا

داعش بە چ رێگەیەك پێشمەرگەكان شەهید دەكات؟

خەڵك
لەبارەی هێرشەكەی شەوی ڕابردووی داعش بۆ سەر هێزەكانی پێشمەرگە بەرپرسی میحوەری گەرمەسێری هێزەكانی پێشمەرگە رایگەیاند، داعش بەردەوام خۆی ڕێك دەخاتەوە و گۆڕانكاری لە فەرماندەكانیدا دەكات و تەكنیكی تازە لە هێرشەكانیدا بەكار دەهێنێت.

مەحمود سەنگاوی، بەرپرسی میحوەری گەرمەسێر ی هێزەكانی پێشمەرگە لە كۆنگرەیەكی ڕۆژنامەوانیدا لە شوێنی هێرشەكەی داعش وتی، داعش بەردەوام خۆی ڕێك دەخاتەوە و گۆڕانكاری لە فەرماندەكانیدا دەكات و تەكنیكی تازە لە هێرشەكانیدا بەكار دەهێنێت.

وتیشی، هێزی پێشمەرگە ڕاهێنراوترین و پڕ ئەزموونترین هێزە بەڵام كەمتەرخەمە.
ئاماژەی بە ئەوەشكرد، داعش بە ماتۆڕ هاتوون و لە دوورەوە هێرشیانكردووە بۆسەر پاسەوانەكان سەر هەڵ ببڕن و بە قەناس شەهیدیان بكەن، دیارە پیاوە ئازاكان ئەزموونەكەیان لەبیر دەچێتەوە و بێباكانە سەر هەڵدەبڕن بۆ ڕووبەڕووبوونەوەی دوژمن، بەڵام بە قەناس شەهید دەكرێن.

شەوی ڕابردوو لە پەلامارێكی داعش بۆ سەر خاڵێكی خاڵێكی پاسەوانی ھێزەكانی پێشمەرگەی لیوای پێنجی پیادە لە تەپكی (كەڵان) لە سنووری كوڵەجۆ، پێنج پێشمەرگە شەهید بوون و چواری دیكەش بریندار بوون.