سەردێر

هەولێر.. كەسێك ویستی بچێتە ناو فەرمانگەی پەیوەندییەكانی دەرەوە و لە ڕووبەڕووبوونەوەیەكدا كوژرا

خەڵك

بەڕێوەبەرایەتی پۆلیسی پارێزگای هەولێر ڕایدەگەیەنێت، كەسێك ویستویەتی بچێتە ناو فەرمانگەی پەیوەندییەكانی دەرەوەی حكومەتی هەرێم و هێرشی كردووەتە سەر پاسەوانەكان ، ئەوانیش ڕووبەڕووی بوونەتەوە و لە ئەنجامدا گیانی لە دەستداوە.


بەڕێوەبەرایەتی پۆلیسی پارێزگای هەولێر ل ڕوونكردنەوەیەكدا ڕایگەیاند، ئێوارەی ئەمڕۆ ڕێكەوتی ٢٠٢١/١١/٢٧ كاتژمێر ٦ی ئێوارە كەسێك ویستویەتی بچێتە ناو فەرمانگەی پەیوەندییەكانی دەرەوەی حكوومەتی هەرێم و هێرشی كردووەتە سەر پاسەوانەكان، ئەوانیش ڕووبەڕووی بوونەتەوە و لە ئەنجامدا گیانی لە دەستداوە.

بەڕێوەبەرایەتی پۆلیسی پارێزگای هەولێر ئاماژەی بەوەشداوە، هێزەكانیان دەستبەجێ گەیشتنە شوێنی ڕووداو و تەرمی كوژراوەكە بە ناوی (م. م) بۆ پزیشكی دادی گواستەوە و لە ئێستادا لێكۆڵینەوە دەستی پێكردووە و دواتر زانیاریی زیاتر لەوبارەیەوە بڵاو دەكەنەوە.