سەردێر

سەندیكای رۆژنامەنووسان: هێمنی شار و گیانی میدیاكاران پارێزراو بن

خەڵك-
لقی سلێمانی سەندیكای ڕۆژنامەنووسان پەیامێك ئاڕاستەی هێزە ئەمنییەكان و خوێندكارە خۆپیشاندەرەكان دەكات و جەختیشدەكاتەوە، هێمنی شار و گیانی میدیاكاران پارێزراو بن.

لقی سلێمانی سەندیكای ڕۆژنامەنووسانی كوردستان لە ڕاگەیەنراوێكدا ئاماژەی بەوەكردووە، لەسۆنگەی خەمخۆریمان بۆ هێمنی شارەكەمان و پاراستنی گیانی میدیاكاران و خۆپیشاندەرانی خوێندكاران، داواكارین جوانی و هێمنی شارو ئازادی وتن و بڵاوكردنەوە لەسەرو هەموو بەرژەوەندیەكەوە بێت.

دەقی ڕاگەیەنراوەكە:
لەدوو رۆژی رابردووداو لەگەڵ خۆپیشاندانی خوێندكارانی زانكۆو پەیمانگەكان بۆ گێڕانەوەی دەرماڵەی بڕاویان لەساڵی 2014 وە، كۆمەڵێك رووداوی نەخوازراو بەریەك كەوتن روویدا كە میدیا كاران و كەلو پەلو پێداویستیەكانیان لەلایەن خۆپیشادەرانەوە شكێنران و هەندێكیشیان لەلایەن هێزەكانی ناوخۆوە دەستیان بەسەردا گیرا، ژمارەیەك لە كچان و كوڕانی پەیامنێرانمان بەركەوتەبوون بە گازی فرمێسك رێژ هیوای سەلامەتی و تەندروستی باشیان بۆ دەخوازین..
لەسۆنگەی خەمخۆریمان بۆ هێمنی شارەكەمان و پاراستنی گیانی میدیاكاران و خۆپیشاندەرانی خوێندكاران، داواكارین جوانی و هێمنی شارو ئازادی وتن و بڵاوكردنەوە لەسەرو هەموو بەرژەوەندیەكەوە بێت و كەناڵەكانیش لەهەوڵی رووماڵكردنی راستەقینەدا بن نەك بە گەورەكردن و بچوك كردنەوەی روداوەكان..
داواكارین هەر تیمێك دووچاری بەریەك كەوتن یان لێوەرگرتنی كەلوپەل دەبێت سكرتێری لق و ئەندامانی ستافی لقی سلێمانی ئاگادار بكات تا بەهانایەنەوە بچین..
هێمنی شارو سەلامەتی ئەندامان و سەرجەم میدیاكاران كارو ئەركی سەرشانمانە
لقی سلێمانی
سەندیكای رۆژنامەنووسانی كوردستان
23/11/2021