سەردێر

خۆپیشاندان لە هەولێر دەستیپێكرد

خەڵك

ئەمڕۆ دووشەممە خۆپیشاندانی مامۆستایانی كەمپەكان لە پێش ئەنجومەنی وەزیرانی هەرێمی كوردستان لە هەولێر دەستیپێكرد.

مامۆستایانی كەمپی ئاوارەكان لە هەولێر و دهۆك و سلێمانی كە بە گرێبەست كار دەكەن، ماوەی 20 رۆژە بایكۆتی دەوامیان كردووە و چارەسەری كێشەكانیان نەكراوە، هیچ كەسێك بەدەم داواكارییەكانیانەوە نەچووە.

بەپێی زانیارییەكان ئەو مامۆستایانە لە مانگی یازدەدا مووچەی مانگی شەشیان وەرگرتووە و ساڵانە چەند مووچەیەك وەردەگرن.

ئەو مامۆستایانە لە خۆپێشاندانەكەیاندا داوای دابینكردنی مووچە و هەژماركردنی خزمەت دەكەن.

هاوكات ئەمڕۆ دوو شەممە، خوێندكارانی زانكۆ و پەیمانگەكان لە سلێمانی و كەلار و هەڵەبجە و رانیە خۆپیشاندانی فراوانیان دەستپێكردووە.

لە سلێمانی هێزەكانی پۆلیس هێرشیانكردەسەر خوێندكاران لە كەمپی نوێی زانكۆ بۆ كردنەوەی رێگای سەرەكی كەركوك -سلێمانی و ژمارەیەك خوێندكار بریندار بوون.