سەردێر

“دەبێت سووریا دان بە هەسەدەدا بنێت”

خەڵك

نوێنەری ئەنجومەنی سووریای دیموكرات لە هەرێمی كوردستان دەڵێت: ئەوەی كە ئاشكرایە ئەمەیە كە لە واقیعدا ڕاستیێك بەناوی ئیدارەی خۆسەر بوونی هەیە و ئەم ئیدارەیە داهاتووی ناوچەكەیە و پێویستە پەسەند كردنی لە دەستووری وڵات لە چوارچێوەی سووریا لەلایەن حكوومەتی ناوەندییەوە قبووڵ بكرێت.

هۆشەنگ دەروێش نوێنەری ئەنجومەنی سووریای دیموكرات لە هەرێمی كوردستان بۆ ئاژانسی كوردپرێس ڕایگەیاند: شاندی ئەنجومەنی سووریای دیموكرات هەم سەردانی ئەمریكای كرد و هەم چووە مۆسكۆ و لەگەڵ بەرپرسانی سیاسیی ئەم دوو وڵاتە كۆبوونەوە. ناوەناوەیش كۆبوونەوە لەگەڵ بەرپرسانی ڕووسی دەكرێت لەبارەی دانوستانی نێوان ئیدارەی خۆسەر و حكوومەتی ناوەندی چوونكە كرێملین نفووزی لە دیمەشق هەیە.

ناوبراو دەڵێت ڕووسیا ڕایدەگەیەنێت كە بەدوای چارەسەرێكدایە تاكوو لەنێوان ئیدارەی خۆسەر و حكوومەتی ناوەندیی سووریاداپێوەندی دروست بكات بەڵام تا ئێستا نەیتوانیوە دەرەچەیەك بۆ گفتوگۆ بكاتەوە.

نوێنەری ئەنجومەنی سووریای دیموكرات لە هەرێمی كوردستانی عێراق لەبارەی پەیوەندییەكانی نێوان دیمەشق و قامیشلۆ دەڵێت: ئەوەی كە ئاشكرایە ئەمەیە كە لە واقیعدا ڕاستیێك بەناوی ئیدارەی خۆسەر بوونی هەیە و ئەم ئیدارەیە داهاتووی ناوچەكەیە و پێویستە پەسەند كردنی لە دەستووری وڵات لە چوارچێوەی سووریا لەلایەن حكوومەتی ناوەندییەوە قبووڵ بكرێت.

هۆشەنگ دەروێش جەختی كردەوە: ئێمە نەك هەر ئێستا بەڵكوو لە ڕابردوویشدا ئامادەی دانوستان و گفتوگۆ بووین و دیالۆگ بە ڕێگاچارەیێك ستراتیژێك دەزانین بۆ چارەسەر كردنی تەنگەژەی سووریا دەزانین.