سەردێر

لە زۆرینەی شارەكانی ئەوروپا خۆپیشاندانە

خەڵك

زۆرێك لە شارە گەورەكانی ئەوروپا دژی رێوشوێنە نوێیەكانی حكومەتەكانیان بۆ رێگری لە بەرزبوونەوەی كۆرۆنا خۆپیشاندان و ناڕەزایەتییان دەستپێكرد لەنێویاندا ڤاكسینی ناچاری.

لە هۆڵەندا لە خۆپێشاندانەكاندا گرژی رووی دا بەتایبەت لە شاری لاهای و رۆتەردام پێكدادان لەنێوان خۆپێشاندەران و پۆلیسدا رووی دا، خۆپیشاندەران هێرشیانكردەسەر دامەزراوەكانی حكومەت بەپێی ئاژانسی فڕانس پرێس.

لەم پێكدادانەدا 5 پۆلیس بریندار بوون و 7 كەسیش دەستگیركران.

لە فەڕەنسا لە رۆژی شەممە ناڕەزایەتیی و خۆپێشاندان لە هێندێك شوێن دەستیپێكرد، وەزارەتی ناوخۆ هێزی رەوانەی ئەو شوێنانە كرد.

لە ڤیەنای پایتەختی نەماس 40 هەزار كەس خۆپێشاندانیان سازكرد لە دژی كەرەنیتە و ڤاكسینی ناچاری.

بەپێی هەواڵی فڕانس پرێس خۆپیشاندەران دژی رێوشوێنەكانی كۆرۆنا وەستاونەتەوە.

لەگەڵ بەرزبوونەوەی ئامارەكانی كۆرۆنا وڵاتانی ئەوروپایی رێوشوێنی نوێیان گرتووەتەبەر لەوانە كەرەنتینە و ڤاكسینی ناچاری، ئەمەش هاووڵاتیانی نیگەران كردووە.