سەردێر

هەپەگە ڕاگەیەنراوێكی بڵاوكردەوە

خەڵك –
ناوەندی راگەیاندن و چاپەمەنی هێزەكانی پاراستنی گەل ڕایدەگەیەنێت، سوپای توركیا كە نەیتوانی بەرامبەر بە بەرخودانی مێژوویی گەریلا خۆی رابگرێت و تێگەیشت گورزی قورستری لێدەدرێت، خۆی لە گۆڕەپانەكانی وەرخەل و تابوری عەرەبەكان كشاندەوە.

ناوەندی راگەیاندن و چاپەمەنی هێزەكانی پاراستنی گەل هەپەگە لە ڕاگەیەنراوێكدا بڵاویكردەوە ئۆپراسیۆنی توركیا بۆ سەر گۆڕەپانەكانی وەرخەل و تابوری عەرەبەكان لە ناوچەی ئاڤاشین، لەلایەن هێزەكانیانەوە بە بەرخودانێكی مێژوویی پێشوازی و بەرەنگاریی كرا.

ئاماژە بۆ ئەوەشكراوە، كە سوپای توركیا نەیانتوانی بەرامبەر ئەو بەرخودانە خۆیان رابگرن لەوە تێگەیشتن، كە گورزی زیاتر و قورستر دەخۆن، بۆیە لە گۆڕەپانەكانی وەرخەل و تابوری عەرەبەكان كشانەوە.

ڕاگەیاندراوی ناوەندی راگەیاندن و چاپەمەنیی هەپەگە لەوبارەیەوە:
“ئۆپراسیۆنی داگیركەریی دەوڵەتی توركی داگیركەر بۆ سەر گۆڕەپانەكانی وەرخەل و تابوری عەرەبەكان لە ناوچەی ئاڤاشین، لەلایەن هێزەكانمانەوە بە بەرخودانێكی مێژوویی پێشوازی و بەرەنگاریی كرا. داگیركەران، كە نەیانتوانی بەرامبەر ئەو بەرخودانە خۆیان رابگرن لەوە تێگەیشتن، كە گورزی زیاتر و قورستر دەخۆن، بۆیە لە گۆڕەپانەكانی وەرخەل و تابوری عەرەبەكان كشانەوە.لە ١٦ی تشرینی دووەم و لە كاتژمێر ٠٩:٣٠ گوندی نشارێ لە دامێنی چەمانكێی دهۆك، گوندی شییێ لە كانی ماسی بە فڕۆكەی جەنگی بۆردومان كران. لە ١٦ی تشرینی دووەم و لە كاتژمێر ١٩:٠٠ تاوەكو ٢١:١٥ كۆپتەر بەسەر گۆڕەپانەكانی جیلۆی بچوك لە ناوچەی زاپ و شاخی شەهید بەرخودان دا سوڕانەوە. لە ١٧ی تشرینی دووەم، لە كاتژمێر ١٤:٤٠ بۆ ١٥:٢٠ گۆڕەپانی ساجا لە ناوچەی زاپ لەلایەن فڕۆكە جەنگییەكانەوە بۆردومان كرا”.