سەردێر

هەرزان بازارێك لە سلێمانی داخرا

خەڵك-

قائیمقامیەتی سلێمانی ڕایدەگەیەنێت، بەهۆی پابەندنەبوون بەمەرج و ڕێنماییەكانی كاركردن قائیمقامیەتی سلێمانی هەفتە بازاڕی سلێمانی/6 دادەخات.
قائیمقامیەتی سلێمانی لە ڕاگەیەنراوێكدا ئاماژە بۆ ئەوە دەكات، ئەمڕۆ شەممە 2021.11.20 لەهەڵمەتی لیژنە هاوبەشەكانی قائیمقامیەت بۆ گەڕەكی بەكرەجۆی شاری سلێمانی و بەهۆی سەرپێچیكردن لە مەرج و ڕێنماییەكانی كاركردن بەگشتی و تەندروستییەكان بەتایبەتی، هەفتە بازاڕی سلێمانی/6 دادەخرا.
ئاشكراشیكرد، لەكاتی سەردانی لیژنەكان و پشكنینەكانیان بۆ هەفتەبازاڕی سلێمانی، دەركەوتووە لەكۆگای عەمباركردن بڕێكی زۆر پاشەڕۆی قرتێنەرەكانی تیادایە لەگەڵ هەبوونی شیری وشكی ماوە بەسەرچوو كە خاوەنەكەی بەنیازبووە بەسەر هاووڵاتیاندا ساغیبكاتەوە.
ڕوونیشیكردەوە، بەفەرمانی قائیمقامی سلێمانی هەفتەبازاڕەكە لەگەڕەكی بەكرەجۆ دادەخرێت و خاوەنەكەشی ڕووبەڕووی ڕێكاری یاسایی دەكرێتەوە.