سەردێر

وەزیری ڕۆشنبیری لە بارەی دەستگیركردنی بەختیار سەعیدی هونەرمەندەوە دەدوێت

خەڵك

چەند ڕۆژێكە هونەرمەندی شێوەكار بەختیار سەعید دەستگیركراوە، وەزیری ڕۆشنبیری لەوبارەیەوە دەدوێت و دەڵێت، ئەو دۆسیەیە پەیوەندی بە وەزارەتی رۆشنبیرییەوە نییە، بەڵكو پەیوەندی بە دادگاوە هەیە.

حەمەی حەمە سەعید،وەزیری رۆشنبیری هەرێم رایگەیاند، لە لێدوانێكیدا بۆ رۆژنامەنوسان رایگەیاند، بەدواداچوونی بۆ ئەو دۆسیەیە كردوووە و دەركەوتووە دۆسیەكە پەیوەندیدارە بەچاپكردنەوەی كتێبێك لەساڵی 2012 لەلایەن بەختیار سەعیدەوە لەكاتێكدا ئەوكات حكومەت 17 ملیۆن دیناری بۆ چاپكردنی خەرج كردبوو، لەچاپدانەوەی مافی حكومەت بوو.

ئاماژەی بە ئەوەشكرد، دۆسیەكە پەیوەندی بە وەزارەتی رۆشنبیرییەوە نییە، ئەوەندەی پەیوەندی بە دادگاوە هەیە، ئەوان دەڵێن ئەو ساڵە فەرمانی دەستگیركردنی بۆ دەركراوە و خۆی رادەستنەكردووە تا ئەو رۆژەی گیراوە.

وەزیری رۆشنبیری باسی لەوەشكرد، داوایكردووە كارئاسانی بۆ بكرێت و بەكافالەت ئازاد بكرێت تا كێشەكەی چارەسەر بكرێت، بەڵام دادوەرەكە ئەوەی قبوڵ نەكردووە.

چەند رۆژێكە هونەرمەندێكی شێوەكار لە زیندان دەستگیركراوە و بەپێی زانیارییەكان دادگا رەتیكردووەتەوە ئازاد بكرێت.

No description available.