سەردێر

پێداچوونەوە بە یاساكانی توندوتیژیدا دەكرێتەوە

 

خەڵك-ئارام سەردار

ڕێكخراوی تواناسازی ئافرەت و ڕێكخراوی دەستپێشخەری ئافرەتانی یۆرۆمید (EFI) لە ژێر چاودێری ئەنجومەنی دادوەری هەرێمی كوردستان كۆبونەوەیەكی پسپۆڕیان لەبارەی (جیاكاریەكانی جۆری كۆمەڵایەتی لە نێو یاساكان و پارێزگاریكردن لە ئافرەتان و كچان لە توندوتیژی) ڕێكخست، پێداچوونەوە بە یاساكانی توندوتیژیدا دەكرێتەوە.

نیگار ئەحمەد، نوێنەری ئەنجوومەنی دادوەری كوردستان لەوتەیەكدا ڕایگەیاند، بەهۆی ئەو یاسا بەركارانەی كە ناوەندە یاسایی و جێبەجێكارییەكان كاری پێدەكەن و پەرلەمانی كوردستان پەسەندی كردوون، لەسەر ئاستی ناوچەكەدا هەرێمی كوردستان توانای بەرگری لە ژنانی لە زۆرێك لە وڵاتانی دەوروبەریش بەهێزترە.

دەشڵیت، وەكو ئەنجوومەنی دادوەری كاری جێبەجێكردنی یاساكان دەخەینە ئەستۆی لایەنە بەرپرسیارەكان، هەرچەندە یاساكان پێویستیان بپێداچوونەوە هەیە، چونكە هەموو یاسایەك لەگەڵ سەردەمی خۆیەتی و كاتێكیش گۆڕانكاری بەسەر پێشكەوتنەكاندا دادێ دەبێ یاساكانیش بگۆڕدرێن، بۆیە هەوڵەكان بەردەوامن بۆ تا ڕێكارە یاساییەكان تەواو بكرێن، ئەم هەوڵەش گرنگی خۆی دەبێ بۆ زیاتر پاراستنی ئافرەتان لە توندوتیژییەكان، ئامانجی ئەم كۆبونەوەیەش دروستكرنی پلاتفۆرمێكە بۆ دەستنیشانكردنی ڕێگاكانی بەرەنگاربونەوەی توندوتیژی دژ بە ژنان و كچان باسكردنی یاسای باری كەسی و یاسای سزاكان.