سەردێر

ڕوسیا پەیامێك دەگەیەنێتە كوردانی ڕۆژئاڤا

ئامۆژگارییان دەكات

خەڵك-
سێرگی لاڤرۆڤ، وەزیری دەرەوەی ڕوسیا ڕایدەگەیەنێت، پشتیوانی واشنتن بۆ خواستە جوداخوازییەكان لە باكووری خۆرهەڵاتی سوریا، وادەكات كێشەی كورد نەك هەر سوریا، بەڵكو وڵاتانی ناوچەكەش بگرێتەوە.

لاڤرۆڤ، لە كۆنفرانسێكی ڕۆژنامەوانی لە دوای وتوێژەكانی لەگەڵ پۆڵ ریچارد گلاگر سكرتێری كورسی ڕەسوڵی ڕایگەیاند:”دەبێت كوردەكان هەست بكەن كە بەشێكن لە كۆمەڵگەی سوری. ئێمە پەیوەندییەكی توندوتۆڵمان لەگەڵ نوێنەرانی كورد هەیە، ئامادەین یارمەتیان بدەین لە زامنكردن و وەرگرتنی مافە ڕەواكانیان بەشێوەیەكی تەواوەتی و كاركردنیش بەردەوامە لە پێكهێنانی نێوەندێكی سیاسی نوێ‌ لە چوارچێوەی چالاكی لیژنەی دەستوری”.

بە وتەی وەزیری دەرەوەی ڕوسیا”ئامۆژگاریی كوردەكان دەكەم نەكەونە داوی دۆستە ئەمریكاییەكان كە پەیوەندییان لەگەڵیاندا هەیە، ئەمریكاییەكان دەیانەوێت ڕەوشەكە بەرەو ئاڵۆزبوون ببەن و كێشەی جوداخوازیی لە خۆرهەڵاتی سوریا دروستبكەن. هەوڵ دەدەن ئەو كارە بكەنە سەرچاوەیەك بۆ دروستكردنی تەنگژە، ئەمەش دژى پاراستنی دەوڵەتی یەكگرتووی سوریایە بەشێوەیەكی گشتی، ئەمە گەمەیەكی مەترسیدارە و دەبێتە مایەی گڕگرتنی كێشەی كوردی بەشێوەیەكی زۆر ڕاستەقینە لە هەموو ناوچەكە و دەرهاویشتەكانیشی هەر تەنیا بۆ سوریا نییە، بەڵكو وڵاتانی تر دەگرێتەوە”.