سەردێر

قوباد تاڵەبانی داوای یەك دەنگی كورد دەكات

خەڵك –
جێگری سە‌رۆكی حكومەتی هەرێم ڕایدەگەیەنێت، قۆناغی دە‌ستپێكردنی گفتوگۆكانە‌ لە‌ بە‌غدا و گرنگە‌ كورد یە‌ك دە‌نگ و یە‌كریز بێت لە‌پێناو باشتر دە‌ستە‌بە‌ركردنی مافە‌كانی، دەشڵێت،”چاكسازییە‌كانی وە‌زارە‌تی پێشمە‌رگە قۆناغی زۆر باشیان بڕیوە‌ و بە‌ردە‌وامییش بە‌و پڕۆسە‌یە‌ دە‌درێت”.

قوباد تاڵەبانی، جێگری سە‌رۆكی حكومەتی هەرێم لە‌گە‌ڵ وە‌فدێكی سە‌ربازی بە‌ریتانی بە‌ سە‌رۆكایە‌‌تی مارشال سامی سیمپسن، گە‌ورە‌ راوێژكاری سە‌ربازی حكومە‌تی بە‌ریتانیا بۆ كاروباری خۆرهەڵاتی ناوەراست و باكوری ئەفریقا كۆبۆوە.

لە دیدارێكدا لەبارەی نوێترین پێشهاتی سەر گۆڕەپانی سیاسی عێراق گفتوگۆیان كردووەو هەردوولا ئیدانەی ئەو هێرشە تێرۆریستیەیان كرد كە كرایە سەر ماڵی مستەفا كازمی سەرۆك وەزیرانی عێراق و دووپاتیانكردەوە، كەپێویستە ئارامی و سەقامگیری بۆ ئەم وڵاتە دەستەبەر بكرێت و كاربكرێت بۆ ریشەكێشكردنی تێرۆر.

ڕاشیگەیاندووە، كە گرنگە‌ كورد یە‌ك دە‌نگ و یە‌كریز بێت بە‌تایبە‌ت لە‌ ئێستادا كە قۆناغی دە‌ستپێكردنی گفتوگۆكانە‌ لە‌ بە‌غدا ئە‌وە‌ش لە‌پێناو باشتر دە‌ستە‌بە‌ركردنی مافە‌كانی گە‌لی كوردستان دا.

لە‌بارە‌ی چاكسازییە‌كانی وە‌زارە‌تی كاروباری پێشمە‌رگەشە‌وە‌، قوباد تاڵە‌بانی ئاماژەی بۆ ئەوەشكردووە، قۆناغی زۆر باشیان بڕیوە‌ و بە‌ردە‌وامییش بە‌و پڕۆسە‌یە‌ دە‌درێت. لە‌وبارە‌یە‌وە‌ ستایشی هێزە‌كانی هاوپە‌یمانان و بە‌ریتانیاشی بە‌تایبەت كرد.

‎May be an image of ‎‏‏یەک کەس یان زیاتر‏، ‏‎‎people standing‎‎‏‏ و ‏‎‎military uniform‎‎‏‎‎

‎May be an image of ‎‏‏یەک کەس یان زیاتر‏، ‏‎‎people standing‎‎‏‏ و ‏ده‌ره‌وه‌‏‎‎