سەردێر

شەڕ و پێكدادان لەنێوان سوپای پاسداران و ئەمریكاییەكان ڕویدا

خەڵك-
تەلەفیزیۆنی ئێرانی، دیمەنی شەڕ و پێكداهەڵپژان لەنێوان سوپای پاسدارانی وڵاتەكە و كەشتییەكی جەنگی ئەمریكایی لە دەریای عومماندا بڵاودەكاتەوە.


بەپێی سەرچاوەكانی هەواڵ، سوپای پاسداران دەستییان گرتووە بەسەر كەشتییەكی نەوت هەڵگری ئەمریكایی و میدیاكانی ئێرانیش دەڵێن، دوای ئەوەی سوپای ئەمریكا هەوڵیداوە دەست بەسەر كەشتییەكی نەوت هەڵگری ئێرانیدا بگرێت لە دەریای عوممان، سوپای پاسداران هاتۆتەدەنگ و دەستی بەسەر كەشتییەكەی ئەمریكادا گرتووە.

هەر بەپێی ئەو میدیایانە، كەشتییەكی ئەمریكایی ڕێگەی لە نەوت هەڵگرێكی ئێرانی گرتووە و بڕێكی زۆر نەوتی لە كەشتییەكە خاڵی كردووە، بۆیە سوپای پاسداران ئۆپەراسیۆنێكى ئەنجامدا و دەستى بەسەر كەشتییەكەی ئەمریكادا گرت، ئەمەش لەكاتێكدایە كە ئەمریكاییەكان هەوڵیانداوە ڕێگە لە هەوڵەكانی سوپای پاسداران بگرن، بەڵام كەشتییەكەی ئەمریكا لەئێستادا بەرەو سنورە ئاوییەكانی ئێران ڕاپێچكرا.

هەروەها ئەو میدیایانە دەڵێن، دیمەنی ڕووبەڕووبوونەوەی نێوان سوپای پاسداران و ئەمریكاییەكان لە دەریای عومماندا بڵاودەكەنەوە.