سەردێر

لە سوودان نزیكەی 50 كەس كوژران و برینداربوون

خەڵك
بە لایەنی كەمەوە 7 كەس كوژران و 40ی دیكەش بریندار بوون لە خۆپیشاندانی هەزاران كەسدا كە جادە و رێگاوبانەكانیان لە خەرتوومی پایتەختی سوودان گرتبوو لە دژی كودێتا سەربازییەكەی دوێنێ.

هەزاران كەس ناڕەزایەتییان نیشان دا لە دژی سووپا كە جادەكانی پایتەختی سوودان خەرتووم و شارۆچكەی ئوم دورمانیان گرتووە دوای ئەوەی هێزە ئەمنییەكان سەرۆك وەزیران عەبدوڵڵا حەمدووكیان دەستگیركرد لەگەڵ ژمارەیەك لە وەزیر و كاربەدەستی دیكە لە بەیانی رۆژی دوو شەممە.

بە پێی راپۆرتی تەندروستی لەئەم ئاڵۆزییانەدا 7 كەس بە دەستڕێژی گولە كوژراون بەلایەنی كەمەوە.

فەرمانداری سەربازیی عەبدول فەتاح بورهان كە كودێتاكەی ئەنجامداوە فەرمانیكردووە بە هەڵوەشاندنەوەی ئەنجومەنی سەربازی و ئەنجومەنی سەروەریی.

بورهان بڕیاریدا بە راگەیاندنی باری نائاسایی و ئەنجامدانی هەڵبژاردن لە مانگی تەمووزی 2023 و هەڵبژاردنی حكومەتێكی مەدەنیی.
سەرچاوە/AL JAZEERA