سەردێر

تەندروستی جیهانی: هەركاتێك جیهان بیهەوێـت كۆرۆنا كۆتایی دێت

خەڵك

بەڕێوەبەری گشتی رێكخراوی تەندروستی جیهانی تێدرۆس ئەدهانۆم گیربریسوس رایگەیاند، هەر كاتێك جیهان بیهەوێت دەتوانێت زاڵ بێت بەسەر كۆرۆنا، ئەمەش پێوەستە بە دابینكردنی هۆكارەكانی بەرەنگاربوونەوەی پەتاكە و دابەشكردنی ڤاكسین بە یەكسانی.

لە كۆنفرانسێكدا لە بەرلین لە رۆژی یەك شەممە بەڕێوەبەری گشتی رێكخراوی تەندروستی جیهانی ئاماژەی بەوە دا، هەركاتێك جیهان بیهەوێت دەتوانێت كۆتایی بە كۆرۆنا بێنێت، بابەتە لە دەستی خۆماندایە، هۆكارەكانی پێویستمان هەیە.

نیگەرانیی خۆشی نیشاندا لەوەی جیهان ئەم هۆكارانە بە زاناییەوە بەكارناهێنێت، بۆیە پەتاكە كۆتایی نایەت هاوكاتی تۆماركردنی نزیكەی 50 هەزار مردن لە هەفتەیەكدا لە جیهاندا.

ئەم رێكخراوە كۆتایی ئەمساڵی دیاریكردووە بۆ ئەوەی 40%ی دانیشتووانی جیهان ڤاكسین وەربگرن، 70%ش لە كۆتایی 2022، نیگەرانیشە لە بەردەوامی وڵاتانی دەوڵەمەند لە دەستبەسەرداگرتنی ڤاكسیندا.

بەرپرسەكەی تەندروستی جیهان دەڵێت: بەكردار هێندێك وڵات لەوانە وڵاتانی گرووپی 20 ، 40%ی هاووڵاتیانیان ڤاكسینكردووە.