سەردێر

كەشناسی: سێ شەممە بەفر و باران دەبارێت

خەڵك-

بەڕێوەبەرایەتی كەشناسی و بومەلەرزەانی هەرێمی كوردستان ڕایدەگەیەنێت، سبەی ئاسمانی هەرێم لە ساماڵەوە دەگۆڕێت بۆ پەڵە هەور و پاشان بۆ نیمچە هەور لە ماوەی هەفتەی داهاتوو بەردەوام نیمچە هەور دەبێت.

كەشناسی هەرێم لە ڕاگەیەنراوێكدا ئاماژە بۆ ئەوە دەكات، ئێوارەی ڕۆژی سێ شەممە بارستە هەواییەكی نیمچە سارد لە ناوچە سنوورییە شاخاوییەكانی پارێزگای هەولێر نزیك دەبێتەوە لەگەڵ هاتنی ئەو بارستە هەوایە ساردە بە ئەگەرێكی لاواز پێشبینی نمە باران یان بەفرێكی زۆركەم لەسەر لووتكەی شاخە بەرزە سنووریەكان هەیە لە كاتی هاتنی ئەو بارستە ساردە.
ڕوونیشیكردەوە، ڕۆژی چوارشەممە بەردەوام ئاسمان نیمچە هەوری دەبێت، ڕۆژی پێنج شەممە ئاسمان پەڵە هەور نیمچە هەورو پاشان هەندێ كات هەوری تەواو دەبێت ئەگەری پروشكە بارانی پچڕ پچڕ هەیە لە ناوچەی جیا جیا و لە هەندێكاتدا، هاوكات ڕۆژی هەینی ئاسمان بە گشتی نیمچە هەور دەبێت لە ئەگەری دروست نەبوونی گۆڕانكاری نمە بارانی كەم كەم لە هەندێ ناوچەی جیاجیا دەبارێت و سنووری پارێزگای سلێمانی ئاستی بارانی كەمێك زیاتر دەبێت و باران لە سەنتەری پارێزگاكان بەشێوەی نمە باران دەبێت، لەم ماوەیەدا پلەكانی گەرما گۆڕانكارییەكی ئەوتۆی بەسەر نایەت تا ڕادەیەك جێگیرە خێرای با لە نێوان (10-15)كم لە كاتژمێرێكدا دەبێت.