سەردێر

ئیدارەی گەرمیان؛لەبارەی ئازادكردنی ئەفسەرەكەی پۆلیسی دارستانی گەرمیان ڕوونكردنەوەیەك بڵاودەكاتەوە

خەڵك –
ئیدارەی گەرمیان ڕایدەگەیەنێت، ئەفسەرەكەی بەڕێوەبەرایەتی پۆلیسی دارستانی گەرمیان لەسەر بابە‌تێكی نووسین ڕاگیراوە و لە ئێستادا ناوبراو ئازادكراوە .

ئیدارەی گەرمیان لە ڕوونكردنەوەیەكدا بڵاویكردەوە، راگرتنی مقدەم ئەركان رەحمان، ئەفسەر لە بەڕێوەبەرایەتی پۆلیسی دارستانی گەرمیان لە بەرواری ( ٢٠-١٠-٢٠٢١) لەسەر بابە‌تێكی نووسین لە‌لایە‌ن بەرێوەبەری پۆلیسی دارستانی گەرمیان راگیرا بوو.

ئاماژە بۆ ئەوەشكراوە، كە ئێوارە‌ی ئە‌مڕۆ ٢٢-١٠-٢٠٢١ بە فەرمانی قوباد تاڵەبانی، جێگری سەرۆك وەزیران ناوبراو ئازاد كرا.

روونكردنەوەیەك بۆ ڕای گشتی
سەبارەت بە راگرتنی مقدەم (ئەركان رەحمان) ئەفسەر لە بەڕێوەبەرایەتی پۆلیسی دارستانی گەرمیان، كە‌ لە بەرواری ( ٢٠-١٠-٢٠٢١ ) لەسەر بابە‌تێكی نووسین لە‌لایە‌ن بەرێوەبەری پۆلیسی دارستانی گەرمیان راگیرابوو. ئێوارە‌ی ئە‌مڕۆ ٢٢-١٠-٢٠٢١ بە فەرمانی بە‌ڕێز قوباد تاڵەبانی جێگری سەرۆك وەزیران ناوبراو ئازادكرا.
راگەیاندنی ئیدارەی گەرمیان