سەردێر

سەركردەیەكی گەورەی داعش كوژرا

خەڵك-
فەرماندەی ئۆپەراسیۆنەكانی ئەنبار، كوژرانی سەركردەیەكی گەورەی داعش ڕادەگەیەنێت كە جێگرەوەی شاكر وەهیب بووە لە پارێزگاكە.

لە بەیاننامەیەكدا كە ئەمڕۆ هەینی لەلایەن فەریق ڕوكن ناسر غەنام فەرماندەی ئۆپەراسیۆنەكانی ئەنبارەوە بڵاوكرایەوە، وردەكاریی زیاتر لەبارەی بەرپەرچدانەوەی هێرشێكی داعش خرایەڕوو.

غەنام لە بەیاننامەكەدا ڕایگەیاند”ئوسامە مەولا یاریدەری ئەمنی و جێگرەوەی شاكر وەهیبی تیرۆریست كە لەگەڵ گروپێكی تیرۆریستیدا هەڵیانكوتایە سەر خاڵێكی سەربازی هێزەكانمان لە ڕوتبە، نەبەردانی فەوجی 4ی سەر بە لیوای 18 لە ئۆپەراسیۆنەكانی ئەنبار توانییان ئەو تیرۆریستە بكوژن”.

غەنام لە كۆتایی بەیاننامەكەدا، ستایشی سەربازەكانی سەر بە فیرقەی 5 و هەموو هێزە سەربازییەكانی سەر بە ئۆپەراسیۆنەكانی ئەنباری كردووە.