سەردێر

پەروەردەی عیراق دوو ڕۆژ دەوامی خوێندنی كردە ئەلیكترۆنی

خەڵك –
وەزارەتی پەروەردەی حكومەتی عیراق كاتی دەستپێكی دەوامی فەرمی ساڵی تازەی ئاشكراكرد و بۆ خوێندنی ئەمساڵیش پشووی شەممەمان لادرا و چوار ڕۆژ دەوام لە ناو پۆل و دوو ڕۆژبە شێوەی ئەلیكترۆنی دەبێت .

وەزارەتی پەروەردەی حكومەتی عیراق لە ڕاگەیەنراوێكدا بڵاویكردەوە، كە ساڵی تازەی خوێندنی 2021 بۆ 2022 لە ڕۆژی 1/11/2021 دەست پێدەكات و پشووی ڕۆژانی شەممەش لابرا و دەوامی ئاسایی تێدا دەكرێت .

هەر لە ڕاگەیەنراوەكەدا هاتووە، دەوامی خوێندنی ئەمساڵ بەشێوەی چوار ڕۆژ لەناو پۆلەكان وانەكان دەخوێنریـَت و دوو ڕۆژیش خوێندكاران بەشێوەی ئەلكترۆنی وانەكان دەخوێنن .

هەر لە ڕاگەیەنراوەكەدا هاتووە، خوێندكارانی توشبوو بە نەخۆشییەكانی شێرپەنجە دەتوانن بەشداری خوێندنی ناو پۆل نەكەن و كۆتایی ساڵ تاقیكردنەوەكانیان لە 100 بۆ ئەنجام دەدرێت .

ئەمە لەكاتێكدایە ، وەزارەتی پەروەردەی حكومەتی هەرێم تا ئێستا هیچ بڕیارێكی لەبارەی دەوامی ناو پۆل نەداوە، كە ماوەی چەند ڕۆژێكە دۆخی كۆرۆنا لە هەندێك ناوەندی خوێند زۆر بە خێرایی تەشەنەی كردووە .

‎May be an image of ‎‏یەک کەس یان زیاتر‏ و ‏دەق‏‎‎