سەردێر

وەزیری كار و كاروباری كۆمەڵایەتی: بەردەوامین لە كردنەوەی خول بۆ گەنجان

خەڵك-
وەزیری كار و كاروباری كۆمەڵایەتیی حكومەتی هەرێمی كوردستان ئاماژە بە كردنەوەی خول بۆ گەنجانی هەرێم دەكاتەوە و دەڵێت”خولەكانمان بۆ ڕاهێنانی پیشەییە و هەوڵ دەدەین گەنجان فێری پیشەی جیاواز بكەین”.

كوێستان محەمەد, وەزیری كار و كاروباری كۆمەڵایەتیی لە كۆنفرانسێكی ڕۆژنامەوانیدا ڕایگەیاند “ئێمە بە بەردەوامی خول بۆ گەنجانی هەرێم دەكەینەوە و خولەكانمان بۆ راهێنانی پیشەییە، ئەنجومەنی وەزیران و وەزارەت دارایی پاڵپشتمانن بۆ ئەوەی ئەم خولانە بەردەوامبن، هەوڵ دەدەین گەنجان فێری پیشەی جیاواز بكەین”.

بە وتەی وەزیری كار و كاروباری كۆمەڵایەتی””تەنیا لەم مانگەدا بڕوانامەمان بە 90 گەنج لە هەولێر و 68 گەنج لە سلێمانی و 26 گەنج لە هەڵەبجە بەخشیووە”.

كوێستان محەمەد دەڵێت”هەوڵ دەدەین ئەم خولانە بەردەوامبێت و گەنجان فێری پیشەی جیاواز بكەین ئەو پیشانەی كە لە بازاڕدا خواستیان لەسەرە”.