سەردێر

ڕەوتەكەی حەكیم: لە حكومەتدا بەشدارنابین

خەڵك-
بەلیغ ئەبو كەلەل سەركردە لە ڕەوتی حیكمە كە لەلایەن عەممار حەكیمەوە سەركردایەتی دەكرێت ڕایدەگەیەنێت، ئەنجامی هەڵبژاردنەكە وایكرد پارێزگاریی لە پەیڕەوی سیاسی و یاسایی رەوتەكەمان بكەین.

ئەبو كەلەل لە تویتێكیدا لەسەر تۆڕی كۆمەڵایەتی تویتەر ڕایگەیاند”عەممار حەكیم بەرژەوەندی گشتی بەسەر هەموو بەرژەوەندییە تایبەتییەكاندا زاڵ دەكات، گەر ئێمە لە حكومەتی داهاتوودا داوای هیچ مافێكمان كرد، هەموان بۆیان هەیە بە توندترین شێوە ڕەخنەمان لێبگرن و گلەییمان لێبكەن”.

هاوپەیمانی هێزەكانی دەوڵەت كە ڕەوتی حیكمە بە سەرۆكایەتی عەممار حەكیم و ئیئتیلافی نەسر بە سەرۆكایەتی حەیدەر عەبادی سەرۆك وەزیرانی پێشووتری لەخۆگرت، لە هەڵبژاردنەكەی 10ی ئەم مانگە، پێنج كورسی هێنا كە سیانی بۆ ڕەوتی حیكمە و دوانەكەی تری بۆ نەسر بوو.