سەردێر

شاندی پارتی گەیشتە مەكتەبی سیاسی یەكێتی

خەڵك

ئەمڕۆ دوو شەممە شاندێكی پارتی دیموكراتی كوردستان بە سەرۆكایەتی فزیل میرانی سكرتێری مەكتەبی سیاسی پارتی گەیشتنە مەكتەبی سیاسی یەكێتی نیشتمانی كوردستان.

بەپێی زانیارییەكان شاندە باڵاكەی پارتی دیموكراتی كوردستان سەردانی یەكێتیی نیشتمانیی كوردستان و بزووتنەوەی گۆڕان و حیزبی سۆسیالیست دیموكراتی كوردستان دەكات.

شاندی پارتی لە میانەی كۆبوونەوەی لەگەڵ ئەو حیزبانەدا تاووتوێی هەڵبژاردنەكان و بەرنامەی حیزبە كوردستانییەكان بۆ چوونە بەغدا و بەشداریكردن لە كابینەی داهاتووی حكومەتی عێراق دەكات.

پارتی دیموكراتی كوردستان 32 كورسی پەرلەمانی لە هەڵبژاردنەكانی 10ی ئۆكتۆبەر هێناوە و یەكێكە لەلایەنە گەورە و سەرەكییەكانی پێكهێنەری كابینەی داهاتوو.