سەردێر

وەزارەتی ناوخۆ؛ بكوژی پاسەوانەكەی سكیوریتی دەروازەسیتی كەسێكی ناسراوە

خەڵك
بریكاری وەزارەتی ناوخۆی حكومەتی هەرێمی كوردستان بارەی كوشتنی گەنجیەكەی گەڕەكی شەكرەكەی لە سكیوریتی دەروازەسیتی سلێمانی ڕایدەگەیەنێت ، هێزە ئەمنییەكان لەهەوڵی دەستگیركردنی تاوانبارو بكوژەكەوەن تا ڕاپێچی بەردەم یاسای دەكەین،

نوسینگەی لیوا چەتۆ ساڵح، بریكاری وەزارەتی ناوخۆی حكومەتی هەرێمی كوردستان راگەیەندراوێكی بڵاوكردەوە تێیدا هاتووە ، لەكاتی بە جێگەیاندنی ئەركەكەی كارمەندێكی سكیوریتی دەروازەسیتی لەگەڵ كەسێك دەبێتە شەڕیان و دواتر ئەو كەسە بە دەمانچە ھێرشدەكاتە سەری و گیان لەدەستدەدات.

ئاماژە بۆ ئەوەشكراوە، كە بكوژی تاوانبار كەسێكی ناسراوە و ناو ناونیشانی زانراوە، هێزە ئەمنییەكانمان لەهەوڵی دەستگیركردنی تاوانبار و بكوژەكەوەن تا ڕاپێچی بەردەم یاسای دەكەین و لەكاتی دەستگیركردنی تاوانبارەكەشدا، وردەكاری و زیاتر دەخەینەڕوو.

گەنجە كوژراوەكە ناوی (هە .م .كا ) لەدایكبووی 1990 و دانیشتوی گەڕەكی شەكرەكە و كارمەند لە سكیوریتی دەروازەسیتی .