سەردێر

یەكگرتوو لەسەر دەنگی كاندیدێكی دهۆك هاتەدەنگ

خەڵك-

دەزگای هەڵبژاردنی یەكگرتووی ئیسلامی كوردستان لەسەر دەنگەكانی كاندیدێكی لە سنووری پارێزگای دهۆك ڕوونكردنەوە بڵاودەكاتەوە و جەختدەكاتەوە، 88 سندوق ماون بژمێردرێن و لە زۆربەی هەرە زۆری ئەو سندوقانە دەنگی زۆرینەمان بردۆتەوە.

دەزگای هەڵبژاردنی یەكگرتووی ئیسلامی كوردستان لە ڕوونكردنەوەكەیدا ئاماژەی بەوەكردووە، “ئێمە دڵنیاین، كە دەنگەكانی مامۆستا عومەر كۆچەر زۆر زیاترە لەوەی كە ڕاگەیاندراوە و لەو بوارەدا هەر جۆرە دەستكاری كردنێكی نا یاسایی ڕەتدەكەینەوە”.

جەختیشی كردۆتەوە، “داتا كۆكراوەكانی چاودێران دەیسەلمێنن مامۆستا عومەر كۆچەر لە بازنەكەی خۆیدا لە ریزبەندی دووەمدایە و سەركەوتنی بەدەست هێناوە”.

رونكردنەوەیەك لە دەزگای هەڵبژاردنی یەكگرتووی ئیسلامی كوردستانەوە
سەبارەت بەو هەواڵانەی كە باس لە گۆڕانكاری دەكەن بەسەر ئەنجامە بەراییەكانی راگەیاندراو لە لایەن كۆمسیۆنەوە ، ئێمە لە دەزگای هەڵبژاردنی یەكگرتووی ئیسلامی كوردستان لە نزیكەوە ئاگادارین و بە دواداچوون بۆ ئەو بابەتە دەكەین ، ئێمە دڵنیاین كە دەنگەكانی مامۆستا عومەر كۆچەر زۆر زیاترە لەوەی كە راگەیاندراوە و لەو بوارەدا هەر جۆرە دەستكاری كردنێكی نا یاسایی رەتدەكەینەوە. نزیك لە هەشتاو هەشت سندوقی دەنگدانی گشتی ماون بژمێردرێن و زانیاری تەواو لە بەردەستمانە كە لە زۆربەی هەرە زۆری ئەو سندوقانە دەنگی زۆرینەمان بردۆتەوە ، داتا كۆكراوەكانی چاودێران دەیسەلمێنن مامۆستا عومەر كۆچەر لە بازنەكەی خۆیدا لە ریزبەندی دووەمدایە و سەركەوتنی بەدەست هێناوە .
دەزگای هەڵبژاردنی یەكگرتووی ئیسلامی كوردستان