سەردێر

لە نزیك یەكێك لە ناوەندەكانی دەنگدان سەربازێك كوژرا

خەڵك-
شانەی میدیای ئەمنی، كوژرانی سەربازێك و برینداربوونی سەربازێكی تر ڕادەگەیەنێت لە نزیك یەكێك لە ناوەندەكانی دەنگدان و دەڵێت، ڕووداوی تەقەكردنەكە بە هەڵە بووە.

ئەمڕۆ یەك شەممە، بەهۆی تەقەكردنی هەڵەی یەكێك لە سەربازەكاكانی پاراستنی بازنەی ئەمنی لە پارێزگای دیالە و لە نزیك یەكێك لە ناوەندەكانی دەنگدان، سەربازێك كوژرا و سەربازێكی تر برینداربوو.

شانەی میدیای ئەمنی ڕەتیكردەوە، ڕووداوەكە بەهۆی هێرشی چەكدارییەوە بوبێت.

هەر لە چوارچێوەی كەشی هەڵبژاردنی پێشوەختە لە عیراق، سەرچاوەیەكی ئەمنی ئاماژەی بە كەوتنەخوارەوە ژمارەیەك گولـلە هاوەن كرد لە دەوروبەری قەزای حەزەر لە باكووری پارێزگای نەینەوا، ڕەتیشكردەوە بەهۆی بۆردومانەكەوە كەس بوبێتە قوربانی یان زیانی ماددی لێكەوتبێتەوە.