سەردێر

كۆمسیۆن باسی لەگەڕكەوتنی ئامێرەكانی دەنگدان دەكات

خەڵك-
كۆمسیۆنی باڵای سەربەخۆی هەڵبژاردن لە عیراق، باسی لەگەڕكەوتنی ئامێرەكانی دەنگدان دەكات لە چەند وێستگەیەكی دەنگدان لە ژمارەیەك پارێزگای عیراق.


جومانە غەللای، وتەبێژی كۆمسیۆن ڕایگەیاند”كۆمسیۆن تیمى تەكنیكی هەیە لە كارمەندە تەكنیكییەكان كە لەلایەن كۆمسیۆن و وەزارەتی زانست و تەكنەلۆجیا و وەزارەتی پەیوەنییەكانەوە ڕاهێنانیان پێكراوە و لە هەموو ناوچەكانی عیراق بۆ مەبەستی چاككردنەوەی ئەو كێشە تەكنیكییانە بڵاوبوونەتەوە”.

بە وتەی غەللای”پەیوەندی بەردەوام هەیە لەگەڵ 100 كارمەندی تەكنیكی لە نوسینگەی نیشتمانی و ئەوانیش پەیوەندییان لەگەڵ هەموو وێستگەكانی دەنگداندا هەیە بۆ چارەسەری هەر كێشەیەك كە ڕووبەڕووی كارمەندان دە بێتەوە لە ئامێرەكانی دەنگدان”.

وتەبێژی كۆمسیۆنی باڵای سەربەخۆی هەڵبژاردن دەڵێت”كۆمسیۆن پلانی جێگرەوەى هەیە و ئامێری تری هەیە بۆ جێگرتنەوەی هەر ئامیرێك كە لەگەڕدەكەوێت”.

جومانە غەللای پێیوایە”پرۆسەی دەنگدان بەشێوەیەكی باش و بەبێ‌ خەوشی بەڕێوەدەچێت و لەگەڕكەوتنی ئامێرەكانیش شیاوە ڕووبدات، بەڵام تیمی تەكنیكی هەن كە چارەسەری هەموو ئەو جۆرە كێشانە دەكەن و نایەڵن كاریگەریی لەسەر پرۆسەی دەنگدان دروست بكەن”.