سەردێر

دوای هەڵبژاردنەكان، بەشەخۆراك بەسەر هاووڵاتیاندا دابەش دەكرێت

خەڵك-

بەڕێوەبەری كۆمپانیای دابەشكردنی خۆراك لە سلێمانی ڕایدەگەیەنێت، دوای هەڵبژاردنەكان سەبەتەی دووەمی خۆراك دابەش دەكرێت.
سەبەتەی یەكەمی خۆراك كە ماوەیەك لەمەوپێش دابەش كرا، بەڵام بەپێی بەدوداچوونەكانی (خەڵك) بەشێك لە هاووڵاتیان برنجی سەبەتەی یەكەمیان وەرنەگرتووە، بەرپرسانی دابەشكردنی خۆراكیش دەڵێن هەموو عێراق ئەو كێشەیان هەیە.

شەوكەت محەمەد بەڕێوەبەری كۆمپانیای دابەشكردنی خۆراك لە سلێمانی بە (خەڵك) ی ڕاگەیاند،
لە هەموو عێراق گرفتی كەمی برنج هەیە نەك تەنها لە هەرێم، بەشێوەیەك لە هەموو عێراق وەجبەی یەكەم تەواو نەبووە، چونكە برنج كەم هاتووە و كەمیش دێت.
وتیشی”ئێمە 70%ی برنجمان بەسەر هاووڵاتیان دابەش كردووە”.

سەبارەت بە هاتن و كاتی دابەشكردنی سەبەتەی دووەم، ناوبراو ئاشكرایكرد، سەبەتەی دووەم دۆشا، فاسۆلیا، زیت و شەكرمان بۆ هاتووە و دوای هەڵبژاردنەكان دابەشی دەكەین.