سەردێر

فشارەكان لەسەر فەیسبووك زیاد دەبن

خەڵك

بەڕێوەبەری جێبەجێكاری كۆمپانیای فەیسبووك مارك زوكەربێرگ وەڵامی فەرمانبەرێكی پێشووی كۆمپانیاكەی دایەوە كە ماڵپەڕی فەیسبووكی تۆمەتباركردبوو بە مامەڵەی نەشیاو لەگەڵ منداڵان و هەرزەكاراندا و هاندانی توندوتیژی.

ناوبراو لە هەژماری خۆی ئەو دەنگویانەی بە بانگەشە نێوبردن، دووپاتیكردەوە ئەوان گرنگی دەدەن بە دۆسێی پارێزیی و تەندروستی و لۆژیك.

دوێنێ لە ئەنجومەنی پیران بەرپرسی پێشووی بەرهەمەكان لە فەیسبووك فرانسیس هۆگن رایگەیاند كاریگەری وێرانكەری تەكنۆلۆژیا هەیە.

ئاماژەی بە بەڵگەنامەكانی رۆژنامەی وۆڵ ستریت جۆرۆناَ كرد دەربارەی پارێزگاری منداڵان لە مەترسییەكانی ئینتەرنێت و سۆشیاڵمێدیا.

هۆگن راشیگەیاند فەیسبووك دەزانێت بە مەترسییەكانی كاركردنی لەسەر منداڵان، 600 هەزار هەژمار هەن كە پێویستە نەمێنن.
ئاماژەی بەوەشكرد كۆمپانیاكە ئامانجی دەستكەوتنی پارەیە لەسەر حسابی هێندێك دۆسێی بنەڕەتی وەك مامەڵەكردن بە مرۆڤەوە، داواشیكرد حكومەتی ئەمریكا رێوشوێنی بەپەلەبگرێتەبەر دژی فەیسبووك.