سەردێر

وەزارەتی پەروەردە: لە خوێندنگا تایبەتەكان تەنیا 1 ڕۆژ پشوو دەبێت

خەڵك

وتەبێژی وەزارەتی پەروەردەی هەرێمی كوردستان ڕایدەگەیەنێت، ئەو پشووەی بۆ خوێندنگا حكومییەكان ڕاگەیەنراوە خوێندنگا تایبەتەكان ناگرێتەوە و دەڵێت “لە خوێندنگا تایبەتەكان تەنیا ڕۆژی 10-10-2021 پشووی فەڕمی دەبێت.”
سامان سیوەیلی وتەبێژی وەزارەتی پەروەردەی هەرێمی كوردستان ڕووداوی ڕاگەیاند “ئەو پشووەی وەزارەتی پەروەردە بۆ خوێندنگا حكومییەكان ڕایگەیاندووە كە لە 6ی ئەم مانگە تا 11ی مانگ بەردەوام دەبێت خوێندنگا تایبەتەكان ناگرێتەوە.”

پێشتر وەزیری پەروەردەی هەرێمی كوردستان 5 ڕۆژ پشووی لە ناوەندەكانی خوێندنی حكومی ڕاگەیاند و وتی، دەوام لە 6ی مانگ ڕادەگیرێت و لە 12ی مانگ دەستپێدەكاتەوە.

وتەبێژی وەزارەتی پەروەردەی هەرێمی كوردستان دەڵێت، ئەو پشووەی ڕاگەیەندراوە بەهۆی هەڵبژاردنی عیراقە كە بڕیارە ڕۆژی 10-10-2021 بەڕێوەبچێت. دەشڵێت ” بۆ خوێندنگا ئەهلییەكان تەنیا ڕۆژی 10-10 پشووە و ڕۆژەكانی تر دەوام ئاسایی دەبێت.”

جێی ئاماژەیە، بەپێی ڕاگەیەنراوی وەزارەتی پەروەردە، ڕۆژانی 6،7،9،10،11ـی ئەم مانگە پشوو دەبێت و ڕۆژی 8ـی مانگیش هەینییە و دەوام نییە.