سەردێر

نێچیرڤان بارزانی؛ لەهەر شوێنێكیش پارتی فەرمان ڕەوا بێت ئارامی و خۆشگوزەرانی لێیە

خەڵك
جێگری سەرۆكی پارتی دیموكراتی كوردستان ڕایدەگەیەنێت ، ئەم هەڵبژاردنە زۆر گرنگە و دەرگایەكی نوێ دەكاتەوە، ئاوەدانی گەورەش لەسەر دەستی پارتی بەدیهاتووە و دەستكەوتی نووسراویش هەر لەسەردەستی پارتی بەدیهاتوون و بەردی بناغەی دیموكراسی لەم وڵاتە بە پێشنیازی پارتی بووە.

نێچیرڤان بارزانی، جێگری سەرۆكی پارتی دیموكراتی كوردستان لە بانگەشەی حزبەكەی لە شێخان ڕایگەیاند، ئاوەدانی گەورە لەسەر دەستی پارتی بەدیهاتووە، لە هەر شوێنێكیش پارتی فەرمان ڕەوا بێت ، ئارامی و خۆشگوزەرانی لێیە گرنگە ئەو پێكەوە ژیانەی شێخان بمێنێت و جوانی كوردستان بەو پێكەوە ژیانەیە.

ڕاشیگەیاند ، سەركەوتنی پارتی سەركەوتنی خەباتی میللەتی كوردە و دەیانەوێت لە بەغدا سەنگی پارتی بچەسپێنن، بۆیە پارتی بۆ پاراستنی دەستكەوتەكانی كورد دەچێتە بەغدا، دەستكەوتی نووسراو لەسەردەستی پارتی بەدیهاتوون و بەردی بناغەی دیموكراسی لەم وڵاتە بە پێشنیازی پارتی بووە ، پشكی شێر بەر پارتی كەوتووە.