سەردێر

مەڵبەندی كەركوكی یەكگرتوو ڕاگەیەنراوێك بڵاودەكاتەوە

خەڵك
مەڵبەندی شەشی كەركوكی یەكگرتووی ئیسلامی كوردستان ڕایدەگەیەنێت ، بەڵێنمان بە هیچ كەس و لایەنێك نەداوە بۆ ئەوەی ئەندامانی یەكگرتوو دەنگیان پێبدات، دەشڵێت،”لەبەر بەرژەوەندی باڵای نەتەوەیی و نیشتیمانی هیچ بەربژێركمان نەبووە”.

مەڵبەندی شەشی كەركوكی یەكگرتووی ئیسلامی كوردستان لە ڕوونكردنەوەیەكدا بڵاویكردەوە، سەبارەت بەسەردانیكردنی لایەن و بەربژێرەكان لەساتەوەختی بانگەشەی هەڵبژاردندا لەشارەكە لەبەر بەرژەوەندی باڵای نەتەوەیی و نیشتیمانی هیچ بەربژێركمان نەبووە.

ڕوونكردنەوەیەك لەمەڵبەندی شەشی كەركووكی یەكگرتووی ئیسلامی كوردستانەوە
سەبارەت بەسەردانیكردنی لایەن وبەربژێرەكان لەساتەوەختی بانگەشەی هەڵبژاردندا لەشاری كەركووك، ئێمە لەمەڵبەندی شەشی كەركووكی یەكگرتوی ئیسلامی كوردستان لەبەر بەرژەوەندی باڵای نەتەوەیی و نیشتیمانی هیچ بەربژێركمان نەبووه،ئەو بەربژێرانەی سەردانمان دەكەن چ سەربەخۆ ، چ سەر بە حیزبەكانن، ئێمه بەڵێنمان بەهیچ لایەن وبەربژێرێك نەداوە.
سەبارەت بەلێدوانەكەی بەڕێز شاخەوان عبدلله، ئێمه وتومانە سانسۆرمان لەسەر هیچ بەربژێرێك نیه،بەڵام چاوەڕێی بڕیاری مەركەزی حیزب دەكەین بۆچۆنێتی دەنگدان له شاری كەركووك.
یەكگرتوی ئیسلامی كوردستان
مەڵبەندی ٦ كەركووك
‌ ۲٠۲۱/۹/۲۹