سەردێر

بەوێنە.. لە بەغدا تیرۆرستێك كوژرا

خەڵك

وەزارەتی بەرگری عێراق رایگەیاند هێزە ئەمنییەكان تێرۆرستێكیان كوشتووە كە پشتوێنی بۆمبڕێژكراوی بەستووە.

وەزارەتی بەرگری عێراق لە راگەیەندراوێكدا ئاشكرایكرد دوای پێدانی زانیاری لە دەزگای ئاسایشی نایشتمانی لە ئۆفیسی بەغدا، بە هەماهەنگی بەشی هەواڵگری فەرماندەیی ئۆپەراسیۆنەكانی بەغدا، توانرا بە سەرپەرشتی لیوای 59 بە هاوكاری حەشدی شەعبی لە تارمیە و مەفرەزەیەكی دەزگای ئاسایشی نیشتمانی هێرشبكرێتەسەر تێرۆرستانی داعش لە كێڵگەیەكی باكووری بەغدا، لەوێ تێرۆرستێك بە پشتوێنی بۆمبڕێژكراوەوە كوژرا.

وەزارەتی بەرگری عێراق زانیاری دیكەی لەسەر ئەم تێرۆریستە بڵاونەكردووەتەوە.

ئەمە لە حاڵێكدایە جموجۆڵی تێرۆرستانی داعش لە ماوەكانی رابردوودا لە باكووری عێراق و ناوچە كێشەلەسەرەكان زیادیكردووە.