سەردێر

لە شارێكی باشووری كوردستان دوو ڕۆژ دەبێتە پشووی فەرمی

خەڵك-
سەرەڕای ئەوەی لە بەشێكی زۆری شارەكانی عێراق دوو بۆ سێ‌ ڕۆژ بەبۆنەی مەڕاسیمەكانی یادی چلەی ئیمام حسێنەوە كراوەتە پشوووی فەرمی، هاوكات لە شاری خانەقینی باشووری كوردستانیش دوو ڕۆژ كرایە پشوو.

یوسف ئیبراهیم، وتەبێژی قائیمقامیەتی خانەقین لە ڕاگەیەنراوێكدا ئاماژەی بەوەكردووە، ڕۆژی سێ شەممە 28/9/2021 بەبۆنەی یادی چلەی شەهیدبوونی ئیمام حوسێن پشووی فەرمییە لە دامودەزگا حكومییەكان، بەڵام وەك ئیدارەی خانەقین بڕیارمانداوە، كە سبەی دوو شەممەش بكرێتە پشووی فەرمی.

ڕاشیگەیاندووە، ئەو پشووەشمان بۆیە ڕاگەیاند، چونكە بەبۆنەی چلەی شەهیدبوونی ئیمام حوسێنەوە خەڵك بۆ كەربەلا دەچێت، ئەمە بۆ ئاسانكارییە بۆ خەڵكەكە.

ساڵانە بەبۆنەی مەڕاسیمەكانی چلەی ئیمام حسێنەوە، خەڵكێكی زۆری شیعە مەزهەب لە ناوخۆ و دەرەوەی وڵاتەوە ڕوو لە شوێنە پیرۆزەكانی كەربەلا و نەجەف دەكەن و بەوهۆیەوە لە بەشێكی ئەو پارێزگا شیعە نشینانە پشووی فەرمی دەبێت بۆ چەند ڕۆژێك.