سەردێر

لە سەر دۆسیەی كوشتنی كەسێك دوو تۆمەتبار دەستگیركران

خەڵك
مەفرەزەكانی بنكەی پۆلیسی بەرزنجەی سەربەبەشی پۆلیسی سەید سادق دوو تۆمەتباریان لەسەر كوشتنی كەسێك دەستگیركرد .

پۆلیسی سلێمانی لە ڕاگەیاندراوێكدا بڵاویكردەوە، ڕۆژی 24ی 9ی 2021 ، هاووڵاتییەك سكاڵای لە بنكەی پۆلیسی بەرزنجە تۆماركرد كە ماوەی چەند ڕۆژێكە براكەی دیار نەماوە ، دوای وەرگرتنی بڕیاری بەڕێز دادوەر لێكۆڵینەوەكان دەستیپێكردوو گومان خرایە سەر ژنی كوژراوەكە و دەستگیركرا .

ئاماژە بە ئەوەشكراوە، دوای لێكۆڵینەوەكان زانرا كە ژنی كوژراوەكە بەهاوكاری كەسێكی تر ئەم تاوانەیان ئەنجامداوەو تەرمەكەیان لە گوندی تاوێرەی سەربە پارێزگای هەڵەبجە بەجێهێشتووە ، بۆیە پۆلیسی سەید سادق گەیشتنە شوێنی ڕوداوەكەو تەرمەكەیان گواستەوە بۆ بەشی پزیشكی دادوەری لەپارێزگای هەڵەبجە .
باسلەئەوەشكراوە، لەئێستادا هەردوو تۆمەتبار ( پ ، ح ، م لەدایكبووی 1988 كە هاوسەری كوژراوەكەیە لەگەڵ ح ، خ لەدایكبووی 2001 ) كە هەردوكیان دانیشتوی گوندی مۆریاسی سەربەناحیەی بەرزنجەن ، بەبڕیاری دادوەر و بەپێی ماددەی 406 لەیاسای سزادانی عیراقی ڕاگیراون ولێكۆڵینەوە لەگەڵیان بەردەوامە و دانیان ناوە بە تاوانەكەیاندا .

پۆلیسی سلێمانی ئەوەش دەڵێت، كە ڕوداوەكە لەسنوری پارێزگای هەڵەبجە ڕویداوە دۆسیەكە ڕادەستی بەڕێوەبەرایەتی پۆلیسی پارێزگای هەڵەبجە كراوە بە مەبەستی لێكۆڵینەوی زیاتر .

May be an image of indoor

May be an image of 1 person and indoor