سەردێر

بۆ دووەم سەبەتەی بەشەخۆراك ئاگاداری هاووڵاتیان دەكرێت

خەڵك-

وەزارەتی بازرگانی عێراق ئاشكرای دەكات، كە دەستیان بە دابەشكردنی دووەم سەبەتەی خۆراكی كردووە، كە لە 8 ماددە پێكهاتووە و ئاگاداری هاووڵاتیانیش دەكاتەوە، كە سەردانی بریكارەكان بكەن بۆ وەرگرتنی.

عەلا جبوری، وەزیری بارزگانی عێراق لە بەیاننامەیەكدا ئاماژەی بەوەكردووە، كە كۆمپانیای گشتی بازرگانی خۆراك لە سەرجەم لقی پارێزگاكان دەستی بە دابین كردنی ماددەكانی دووەم سەبەتەی خۆراكی كردووە بەشێوەیەكی یەكسان و بێ‌ پچڕان تاوەكو سەرجەم ماددەكانی بەشەخۆراك پێكەوە بگەنە دەستی هاووڵاتیان.

ڕاشیگەیاندووە، لە 15ی ئەم مانگەوە دەستیان بە دابەشكردنی بەشەخۆراك كردووە، كە بۆ ئەم مانگە پێكهاتووە لە (برنج و شەكر و زەیت و فاسۆلیا و نیسكی هاڕاو و لەتكەنۆك و دۆشاوی تەماتە) لەگەڵ پێدانی بەشە ئاردی مانگانە.

وەزیری بازرگانی ئاگاداری هاووڵاتیان دەكات، كە “سەردانی بریكارەكانی خۆراك بكەن بۆ وەرگرتنی بەشەخۆراكی مانگانە، كە بە كوالێی باش و تەندروست ئامادە كراون”.

ئاماژەی بەوەشكردووە، كە هەر كێشەیەك هەبوو یان گرفت بۆ هاووڵاتیان دروست كرا دەتوانن پەیوەندی بكەن بە ژمارە تەلەفۆنەكانی (07729222019- فەرمانگەی چاودێری) یان (07815914941- فەرمانگەی پلان و بەدواداچوون) یان (٠٧٧١٥٥٥٠٨٥١- بەشی كاروباری هاووڵاتیان).