سەردێر

هاووڵاتیانی شارەزوور داوای كردنەوەی ڕێگا كۆنەكە دەكەن

خەڵك-
بەیانی ئەمڕۆ لەسەر ڕێگای زەڕایەن- میرەدێ‌، كە سایدێكی ڕێگاكە بەربەست كراوە بەهۆی چاككردنەوە ڕووداوێكی هاتووچۆ ڕوویدا و هاووڵاتیانیش داوای كردنەوەی ڕێگا كۆنەكە دەكەن.

هێمن فایەق وەك هاووڵاتییەك، كە ڕۆژانە هاتووچۆ بەو ڕێگایەدا دەكات بۆ (خەڵك) ئاماژەی بەوەكرد، بەیانی ئەمڕۆ شەممە 25ی ئەیلوول لەسەر ڕێگای زەڕایەن- میرەدێ‌ ڕووداوێكی هاتووچۆ لەنێوان دوو ئۆتۆمبێل ڕوویدا.

ڕاشیگەیاند، مانگێك زیاترە ئەم سایدە تازەیە كراوەتەوە، كە درێژیەكەی 6.8 كم دەبێت و سایدە كۆنەكە بە ناوی چاكسازیەوە داخراوە و تا ئێستا هیچ چاكسازییەكی تێدا نەكراوە .

ئاماژەی بەوەشكرد، هۆكاری سەرەكی داخستنەكەی تەنها ئەوەیە، كە بڵێن سایدی نوێمان بۆ كردونەتەوە لەكاتێكدا ئەم سایدە نوێیە هیچ هێڵكاریەكی بۆ نەكراوە و لە دەیان شوێندا شۆڵدەرەكانی وەك پێویست نیە .

ئەو هاووڵاتییە داوا لە فەرمانگەكانی، شارەوانی و ئاوەدانكردنەوە و هاتووچۆ دەكات، “سایدە كۆنەكە بكەنەوە، تاوەكو گیانی هاووڵاتیان نەكەوێتە مەترسییەوە”.

No description available.No description available.