سەردێر

هێزەكانی دژەتیرۆری ڕۆژئاوا؛ 27 تیرۆرستی داعشیان دەستگیركرد

خەڵك
هێزەكانی دژەتیرۆری ڕۆژئاوای كوردستان ڕایدەگەیەنێت، ژماریەك تیرۆرستی داعشیان دەستگیركردووە كە هێرشێكی زۆرییان لە سنوری حەسەكەدا ئەنجامداوە و ئاسانكارییان بۆ هاتووچۆی شانە نوستووەكانی داعش كردوە .

هێزەكانی دژەتیرۆری ڕۆژئاوای كوردستان لە ڕاگەیەنراوێكدابڵاویكردەوە، كە لە ئەنجامی ئۆپەراسیۆنێكی نهێنیان لەگەڵ هاوپەیمانی نێودەوڵەتی دژی داعش ٢٧ داعش لە گوندەكانی ئابد و فەلاحە سەر بە شارۆچكەی حەسەكە دەستگیركراون، كە پێشتر هێرشییان كردبووە سەر هاووڵاتیانی مەدەنی و ئاسانكارییان بۆهاتووچۆیی شانە نوستووەكانی داعش لە هەرێمەكانی باكوور و ڕۆژهەڵاتی سوریا كردوە.

ئاماژە بۆ ئەوەشكراوە، بۆ بەڕێوەچوونی ئەو ئۆپەراسیۆنە لێكۆڵینەوە و چاودێریی وردییان ئەنجامداوە و تێیدا دەستیانگرتووە بەسەر ژمارەیەكی زۆر چەك و ئامێری تەكنیكیشدا كە لە هێرشە تیرۆریستییەكان بۆ هێرشكردن و دانانی مین بەكارهێنراون.

دژرەتیرۆری ڕۆژئاوایی كوردستان باسی لەوەشكردووە، ئەو گروپی داعش كە لە ئۆپەراسیۆنەكەدا دەستگیركراون ئەو هێرشانەیی كە ئەنجامیانداوە بە ئامانجی بڵاوكردنەوەی ترس و دووبەرەكی تێكدانی ئاسایشی سنورەكە ئەنجامدراون.





هەلبژاردە

گرنگترینەکان