سەردێر

لەبارەی دابەشكردنی نەوتی سپی ڕوونكردنەوە دەدرێت

خەڵك-

ئەندامێكی ئەنجوومەنی پارێزگای سلێمانی ڕایدەگەیەنێت، لێدوانەكانی وەزیری سامانە سروشتیییەكان دەربارەی دابەشكردنی نەوت جێی تێبینییە.

مانگی ڕابردوو كەمال ئەتروشی، وەزیری سامانە سروشتییەكان لەبارەی پێدانی نەوتی سپی بە ماڵان ڕایگەیاند بۆ ئەمساڵ هەموو ماڵێك بەرمیلێك نەوتی پێدەدرێت، بەڵام كات و شێوازی دابەشكردنەكەی ئاشكرا نەكرد.

كەریم عەلی، ئەندامی ئەنجومەنی پارێزگای سلێمانیبە (خەڵك)ی ڕاگەیاند، وەزیری سامانە سروشتیەكان ئەمساڵ هەندێك لێدوانی داوە، كە بۆ ئێمەش جێی تێبیینە، نازانین پشتی بە چ شتێكت بەستووە.

وتیشی، “ئەگەر پشت بەستووبێت بە ڕێككەوتنێك ئەوەی، كە خۆی دەڵێت لەسەر نانخواردنێك لەگەڵ وەزیری نەوتی عێراق كردویەتی، گومانم لەو بابەتە هەیە، چونكە ساڵانی ڕابردوو حكومەتی عێراقی بڕیاری دا نەوت بنێرێت و زۆر بە خاویش دەینارد و بڕەكەشی زۆر كەم بوو بەشی 20%ی هاووڵاتیانی هەرێمی دەكرد و بەو شێوەیە هەموو ماڵێك نەوتی بەرناكەوێت”.

ئاشكراشیكرد، تاكو ئیستا هیچ میكانیزمێك دیار نییە ئایا ئەو بەڵێنە چۆنە، چونكە ساڵی 2019 بڕیاری كابینەی 9 ئەوە بوو، كە هەموو ماڵێك بەرمیلێك نەوتی پێبدرێت، جگە لەوەی نەیاندا ئەوەشی كە عێراق دەینارد نرخەكەیان بەرز كردەوە، ئەمساڵیش گەشبین نیم، ئومێدەوارین بەڵێنەكان بێتەدی و ئێمەش ئاگاداری هیچ بابەتێكی لەو شێوەیە نین.