سەردێر

ناوی ئەو بەنزینخانانەی بەنزینی عێراقی دابەش دەكەن

خەڵك-
بەنزینی عێراقی دەگاتە بەنزینخانەكانی سلێمانی و بە نرخی هەرزانتر لە نرخی بەنزینی بازرگانی دابەش دەكرێت و چەند بەنزینخانەیەكیش بۆ دابەشكردنی دیاری كراون.

هەڤاڵ ئەبوبەكر، پارێزگاری سلێمانی لە لێدوانێكی ڕۆژنامەوانیدا ڕایگەیاند، بڕیارە سبەینێ یەكەم كاروانی بەنزینی تەرخانكراو لەلایەن وەزارەتی نەوتی عێراقەوە بگاتە سلێمانی و نرخی فرۆشتنی بە هاووڵاتیان بە 690 دینار بۆ یەك لیتر دیاریكراوە.

بەپێی زانیارییەكان، لەناو شاری سلێمانی (10) بەنزینخانە دیاریكراوە تاوەكو بەنزینی وەزارەتی نەوتی عێراقی دابەش بكەن، كە برتیتین لە (بامۆك، بەختیار، برایەتی، حەوایی، قەیوانی ۱، مژدە، های ماونت HM، هەڵەبجە گرووپ، ئازادی، سلێمانی نوێ).