سەردێر

هەولێر، 190 هەزار دۆلاری ساختە و بڕێكی زۆری ماددەی هۆشبەر دەستیان بەسەرداگیرا

خەڵك-
بەڕێوەبەرایەتی نەهێشتنی ماددە هۆشبەرەكانی سەر بە بەڕێوەبەرایەتی گشتیی ئاسایشی هەولێر، ئاماژە بە دەستگیركردنی 8 تۆمەتبار دەكات كە 5 كەس لەوانە عەرەبن و دۆلاری ساختەیان پێبووە، تۆمەتبارەكانی تریان ماددەی هۆشبەری پێگیراوە.

بەپێی ر ڕاگەیەندراوێك كە لەلایەن بەڕێوەبەرایەتی نەهێشتنی ماددە هۆشبەرەكانەوە بڵاوكرایەوە”باندێك دەستگیركراوە، كە بە رەچەڵەك‌ عەرەبن و 190 هەزار دۆلاری ساختەی رەشیان پێگراوە، لە سێ چالاكی تردا ئەفسەر و كارمەندانی بەڕێوەبەرایەتییەكە لە ناو شاری هەولێر و دەوروبەریدا 3 تۆمەتباریان دەستگیركردووە، كە چەندین جۆر ماددەی هۆشبەریان پێبووە”.

هەر لە ڕاگەیەندراوەكەدا هاتووە”ئەو ماددە هۆشبەرانەی پێیان گیراوە، بریتین لە 124 گرام كریستاڵ، 110 گرام تلیاك، 4 گرام هیرۆین، 17 شیت حەبی ترامادۆڵ و 6 دانە پایپ، تۆمەتبارەكانیش ڕەوانەی دادگا كراون و پەڕاوی لێكۆڵینەوەیان بۆ كراوەتەوە”.