سەردێر

پەروەردەی عیراق پیرۆزبایی لە هەرێم دەكات و دەستپێكردنی ساڵی خوێندن ڕادەگەیەنێت

خەڵك-
عەلی دلێمی وەزیری پەروەردەی حكومەتی فیدراڵ، بەپێویستی دەزانێت دەست بە ژیانی سروشتی بكرێتەوە لە خوێندنگەكان لەڕێی ئامادەبوونی خوێندكاران لە پۆلەكان، پیرۆزبایی لە هەرێمی كوردستانیش دەكات بەبۆنەی ڕاگەیاندنی دەستپێكردنی ساڵی خوێندن.

بەپێی بەیاننامەیەك كە لەلایەن وەزارەتی پەروەردەی حكومەتی فیدراڵەوە بڵاوكرایەوە”دلێمی بروسكەی پیرۆزبایی بۆ ئالان حەمە سەعید وەزیری پەروەردەی هەرێمی كوردستان ڕەوانەكردووە، بە بۆنەی دەستپێكردنی ساڵی نوێی خوێندنی 2021- 2022 كە پێشتر تەئكیدی لەسەر دەستپێكردنی ساڵی نوێی خوێندن كردەوە لە سایەی ئەم ڕەوشە نائاساییەی هەموو جیهانی پێدا تێدەپەڕێت كە بە دەستكەوتێكی گرنگ دادەنرێت و ڕووبەڕووبوونەوەیە لەسەر ئاستێكی باڵا”.

هەروەها دلێمی دەڵێت”وەزارەتی پەروەردە هەڵوێستی خۆی دووپاتدەكاتەوە لەسەر پێویستی گەڕانەوەی ژیانی ئاسایی بۆ خوێندنگەكان لەڕێی ئامادەبوونی خوێندكاران لە پۆلەكان، لەگەڵ گرتنەبەری ڕێكارەكانی خۆپارێزی لە ساڵی خوێندنی داهاتوو، لەكاتێكدا هەموان دەزانیین كە پەتاكە مەترسی كەمترە لە بڵاوبوونەوەی نەزانی”.