سەردێر

پێنج چەكداری داعش دەستگیركران

سیانیان بەرپرسن

خەڵك-
هێزە ئەمنییەكان 5 چەكداری داعش دەستگیردەكەن كە پێشتر یاداشتی دەستگیركردنییان لە پارێزگای نەینەوا بۆ دەرچووبوو.

بەپێی بەیاننامەیەك كە لەلایەن دزگای ئاسایشی نیشتیمانییەوە بڵاوكرایەوە”مەفرزەكانی دەزگاكە بە پشتبەستن بە یاداشتەكانی دەستگیركردن، توانییان 5 تیرۆرۆیستی سەر بە ڕێكخراوی داعش دەستگیربكەن كە یەكێكیان بەرپرسی حەشارگەكان بووە بۆ داڵدەدانی تیرۆریستان لە بەناو ویلایەتی جەزیرە، یەكێكی ترییان بەرپرسی داهاتە نەوتییەكان بووە، سێیەمیشیان كاریی لە دروستكردنی بۆمب و بۆمبڕێكردنی ئۆتۆبێلدا كردووە، دوانەكەی تر لە دیوانی جوند لە لە چوارچێوەی هەمان ویلایەت وەك چەكداری ڕێكخراوەكە كارییان كردووە”.

هەر لە بەیاننامەكەدا هاتووە”بەشێوەیەكی یاسایی وتە لە تۆمەتبارەكان وەرگیرا، دوای ئەوەی دەنییان بەو تاوانانەدا نا كە دژ بە هاووڵاتیان و بەئامانجگرتنی هێزە ئەمنییەكان لەكاتی شەڕەكانی ڕزگاریدا ئەنجامیان داوە، دواتر ڕادەستی لایەنە پەیوەندیدارەكان كران، تا ڕێكاریی یاساییان لەدژ بگیرێتەبەر”.