سەردێر

وەزارەتی پەروەردە ڕۆژانی پشوو و وادەی دەوامی ساڵی نوێی خوێند بڵاودەكاتەوە

خەڵك-
وەزارەتی پەروەردەی حكومەتی هەرێمی كوردستان ساڵنامەی خوێندنی بۆ ساڵی خوێندنی ٢٠٢١-٢٠٢٢ بڵاودەكاتەوە و تەواوی وادەكانی ڕۆژانی خوێندن و پشوو، ڕادەگەیەنێت.

بەپێی نوسراوێكی ئالان حەمەسەعید وەزیری پەروەردەی حكومەتی هەرێم، داوای لەسەرجەم ناوەندەكانی خوێندن لەهەرێمی كوردستان بە حكومی و ناحكومییەوە كرا، پابەندی ئەو ساڵنامەیە بن، لەساڵنامەكەشدا، تەواوی ڕۆژەكانی دەوامكردن، ڕۆژانی تاقیكردنەوەكان و ڕۆژانی پشوو لەتەواوی ساڵی خوێندنی ٢٠٢١-٢٠٢٢دا دیاریی كراوە كە دەبێت لەتەواوی هەرێمی كوردستان پەیڕەو بكرێت.

ئەم هەنگاوەی وەزارەتی پەروەردەی حكومەتی هەرێم دوای ئەوە بوو كە ڕۆژی ١٤ی ئەم مانگەی وەك یەكەم رۆژی دەستپێكردنی ساڵی خوێندنی ٢٠٢١-٢٠٢٢ دیاریی كرد و ڕایگەیاند كە “بەجێبەجێكردنی ڕێنماییە تەندروستییەكان، پرۆسەی خوێندن دەستپێدەكاتەوە”.